ބޮލީވުޑްގެ މަޝްހޫރު ތަރި ޝާހިދު ކަޕޫރު، އޭނާގެ އެންމެ ފަހުގެ ފިލްމު "ދޭވާ" ގެ ޓްރެއިލަރ ދައްކާ ތާރީޚު އިޢުލާނުކޮށްފިއެވެ. މި ފިލްމަކީ އެކްޝަން ތްރިލަރ ޒާންރާގެ ފިލްމެކެވެ.
ޝާހިދު ކަޕޫރު އޭނާގެ ސޯޝަލް މީޑިއާ އެކައުންޓުގައި ޕޯސްޓެއް ކޮށް، ބުނެފައިވަނީ "ދޭވާ" ގެ ޓްރެއިލަރ އަންނަ ހަފުތާގައި ދައްކާލާނެ ކަމަށެވެ.
މި ޕޯސްޓުގައި ޝާހިދު ވަނީ ފިލްމުގެ ތެރެއިން ނަގާފައިވާ ފޮޓޯއެއް ހިއްސާކޮށްފައެވެ.
"ދޭވާ" އަކީ މަޝްހޫރު މަލަޔާލަމް ފިލްމު ޑައިރެކްޓަރު ރޮޝަން އެންޑްރޫސް ޑައިރެކްޓުކުރައްވާފައިވާ ފިލްމެކެވެ.
މި ފިލްމު ޕްރޮޑިއުސްކޮށްފައިވަނީ ޒީ ސްޓޫޑިއޯސް އާއި ރޯއި ކަޕޫރު ފިލްމްސްއިންނެވެ. "ދޭވާ" ސިނަމާތަކަށް ގެނެސްދޭން ހަމަޖެހިފައިވަނީ 2025 ވަނަ އަހަރުގެ ޖެނުއަރީ 31 ވަނަ ދުވަހުއެވެ.