ދަނޑުވެރިކަމަށް ޚާއްސަކޮށްގެން "ދަނޑު ފަނގު" ގެ ނަމުގައި ރޭޑިއޯ ޕްރޮގްރާމެއް ކުރިއަށް ގެންދަން ނިންމައިފިއެވެ.
ދިވެހިރާއްޖޭގެ އަޑުން މިއަދު ފެށުމަށް ހަމަޖެހިފައިވާ "ދަނޑު ފަނގު" ޕްރޮގްރާމް ގެނެސްދޭ ގޮތަށް ހަމަޖެހިފައިވަނީ ކޮންމެ އަންގާރަ ދުވެހެއްގެ މެންދުރުފަހު 2:00 ން 3:00 ށް، ށެވެ.
ޖުމްލަ 25 ޕްރޮގްރާމް ގެނެސްދޭގޮތަށް ހަމަޖެހިފައިވާ މި ޕްރޮގްރާމްގައި 3 ސެގްމަންޓް އެއް ގެނެސްދޭއިރު ފުރަތަމަ ސެގްމަންޓްގައި އޮންނާނީ އެދުވަހަކަށް ޚާއްސަކުރެވިފައިވާ މަޢުލޫއަށް ވާހަކަ ދެއްކުމެވެ. ދެވަނަ ސެގްމަންޓްގައި ގަސްގަހަށް އަދި ކުދިޖަނަވާރަށް ޖެހޭ ބަލިތަކާއި ދެވިދާނެ ފަރުވާ އާއި ގުޅޭގޮތުން މައުލޫމާތު ފޯރުކޮށްދޭނެއެވެ. އަދި އެއަށްފަހު އެހުންތެރިންގެ ސުވާލުތަކަށް ފަންނީ ބޭފުޅުންގެ ޖަވާބު ދެއްވުން ވެސް ކުރިއަށް ދާނެއެވެ.
ދިވެހިރާއްޖޭގެ އަޑާއި، މި ވުޒާރާ ގުޅިގެން ކުރިޔަށް ގެންދިއުމަށް ހަމަޖެހިފައިވާ މި ޕްރޮގްރާމަކީ ޒަމާނީ ގޮތްތަކާއި، ޒަމާނީ ވަޞީލަތްތައް ބޭނުންކޮށްގެން ދިވެހި ދަނޑުވެރިކަން އައު ހަރުފަތަކަށް ގެންދިއުމަށް މަގުދައްކައިދިނުމުގެ މަޤްސަދުގައި ގެނެސްދޭ ޕްރޮގްރާމެކެވެ.
ދަނޑުވެރިކަމުގެ ދާއިރާ ހަރުދަނާކުރުމާއި، ރާއްޖޭގެ ދަނޑުތަކުގައި ހައްދާ ކާބޯތަކެތީގެ ނިސްބަތް އިތުރުކުރުމާއިއެކު އެތަކެއްޗަކީ ރައްކާތެރި ގޮތުގައި އުފެއްދޭތަކެތިކަމުގައި ހެނދުމަކީ މި ސަރުކާރުގެ އަމާޒެކެވެ.