އިސްރާއީލީ ނޫސް "ޔެދިއޯތް އަހަރޯނޯތް" އިން ހާމަކުރި ގޮތުގައި އިސްރާއީލީ ސިފައިންގެ އެންމެ އިސް ވެރިޔާ ވަނީ މިނިސްޓީރިއަލް ކެބިނެޓަށް ސިފައިންގެ ދަތިކަން ކުރިމަތިވެފައިވާކަން އަންގާފައެވެ.
މި ދަނޑިވަޅުގައި، ޚާން ޔޫނިސްގެ ދެކުނު ސަރަހައްދުތަކަށް އިސްރާއީލީ އޮކިއުޕޭޝަން ބާރުތަކުން ދިން ހަމަލާތަކުގައި ގިނަ އަދަދެއްގެ ފަލަސްތީނު ރައްޔިތުން ޝަހީދުވެ، އެތައް ބަޔަކު ޒަޚަމްވެފައިވެއެވެ. ފަލަސްތީނުގެ ސިއްހީ ވުޒާރާއިން ހާމަކުރި ގޮތުގައި 2023 އޮކްޓޯބަރ 7 އިން ފެށިގެން މިހާތަނަށް 50,933 ފަލަސްތީނުން ޝަހީދުވެ، 116,450 މީހުން ޒަޚަމްވެފައިވެއެވެ. މީގެ ގިނަ އަދަދެއްގެ މީހުންނަކީ އަންހެނުންނާއި ކުޑަކުދިންނެވެ.
މީގެ އިތުރުން، އދ. ގެ އޯޗާއިން ހާމަކުރި ގޮތުގައި މާރޗް މަހުން ފެށިގެން 400,000 އަށް ވުރެ ގިނަ މީހުން ވަނީ ގައްޒާގައި ހިޖުރަކުރަން މަޖުބޫރުވެފައެވެ. އަދި އަންރުވާއިން ބުނާ ގޮތުގައި ގައްޒާގެ 70 އިންސައްތައަށް ވުރެ ގިނަ ސްކޫލްތަކަށް ވަނީ ސީދާ ހަމަލާ ދީފައެވެ.
ހަމާސްގެ ބަޔާނެއްގައި ބުނެފައިވަނީ އަލް-އަޤްސާ މިސްކިތަށް ޔަހޫދީ ސެޓްލަރުން ވަދެ، އެތަނުގައި ތަލްމޫދީ އަޅުކަން ކުރުމަކީ މިސްކިތުގެ ޙުރުމަތް ކެނޑުމެއް ކަމަށާއި، ފަލަސްތީނު ރައްޔިތުންނަށް އަލް-އަޤްސާ މިސްކިތް ހިމާޔަތްކުރުމަށް ގޮވާލައެވެ.
އިސްރާއީލީ އިދިކޮޅު "ނެޝަނަލް ޔުނިޓީ" ޕާޓީގެ ލީޑަރު ބެނީ ގަންޓްޒް ވަނީ ހަނގުރާމައިގެ ބަންދީން ދޫކޮށްލުމުގެ އެއްބަސްވުމަކަށް ގޮވާލާފައެވެ. އޭނާ ބުނީ މިއީ އިސްރާއީލްގެ ސަލާމަތާއި އިޖްތިމާއީ މަސްލަހަތު ހިމާޔަތްކުރެވޭނެ އެންމެ ރަނގަޅު ގޮތް ކަމަށެވެ.
