އެމެރިކާގެ ކާބަން އިންޑަސްޓްރީ ކުރިއެރުވުމަށް 4 އެގްޒެކެޓިވް އޯޑަރެއްގައި އެމެރިކާގެ ރައީސް ޑޮނަލްޑް ޓްރަމްޕް ސޮއިކޮށްފައެވެ. ނަމަވެސް މި އަމުރުތަކާ ގުޅޭ ގޮތުން އޭނާ ދައްކާފައިވާ ވާހަކަތަކުގައި ގިނަ ޙަޤީޤަތްތަކެއް އޮޅުވާލާފައިވާކަން ފާހަގަކުރެވޭ ކަމަށް އެސޯސިއޭޓެޑް ޕްރެސްއިން ރިޕޯޓްކޮށްފައިވެއެވެ.
ޓްރަމްޕް ވަނީ ކާބަން އަކީ "ރީތި، ސާފު" އެއްޗެއްގެ ގޮތުގައި ސިފަކުރައްވާއެވެ. ނަމަވެސް ޔޫ.އެސް އެނަރޖީ އިންފޮމޭޝަން އެޑްމިނިސްޓްރޭޝަންގެ ތަފާސްހިސާބުތަކުން ދައްކާ ގޮތުގައި، ކާބަން އުފެއްދުމުގެ ސަބަބުން ތިމާވެއްޓަށް ކުރާ ނޭދެވޭ އަސަރުތައް މަދުވެފައިވީ ނަމަވެސް، އަދިވެސް މިއީ ތިމާވެއްޓަށް ނުރައްކާތެރި އެއްޗެކެވެ.
އެމެރިކާގައި ކަރަންޓު އުފެއްދުމަށް ކާބަން ބޭނުންކުރާ މިންވަރު ވަނީ ބޮޑުތަނުން ދަށްވެފައެވެ. 2010 ވަނަ އަހަރު 45 އިންސައްތައިގައި ހުރި މިންވަރު 2023 ގައި ވަނީ 16 އިންސައްތައަށް ދަށްވެފައެވެ. މިހާރު އެމެރިކާގެ ކަރަންޓުގެ 43 އިންސައްތަ އުފައްދަނީ ނެޗުރަލް ގޭހުންނެވެ.
ޓްރަމްޕް ވިދާޅުވެފައިވާ ގޮތުގައި ކާބަން އަކީ އަގުހެޔޮ އަދި އެންމެ ފައިދާހުރި ގޮތުގައި ކަރަންޓު އުފެއްދޭނެ އެއްޗެކެވެ. ނަމަވެސް ޔޫ.އެސް އެނަރޖީ އިންފޮމޭޝަން އެޑްމިނިސްޓްރޭޝަންގެ ހިސާބުތަކުން ދައްކާ ގޮތުގައި ކާބަނުން ކަރަންޓު އުފެއްދުމަކީ އެންމެ އަގުބޮޑު އެއް ގޮތެވެ. މެގަވޯޓް އަކަށް 90 ޑޮލަރު ޚަރަދުވާއިރު، ސޯލާ ހަކަތައިން މެގަވޯޓް އަކަށް ޚަރަދުވަނީ 23 ޑޮލަރެވެ.
އެނަރޖީ ސެކްރެޓަރީ ކްރިސް ރައިޓް ވަނީ ކާބަން އުފެއްދުމުގެ ސަބަބުން މޫސުމަށް އަންނަ ބަދަލުތަކުގެ ނޭދެވޭ އަސަރުތައް ފާހަގަކޮށްފައެވެ. އަދި މިހާރު އެމެރިކާގައި އައު ކާބަން ޕްލާންޓެއް އެޅުމުގެ މަސައްކަތެއް ނުކުރެވޭކަންވެސް ފާހަގަކޮށްފައިވެއެވެ.
