މަނަދޫ އަޒީގެ ޅެންހާރު: ކުޑަކުދީން

*ރާގު! ދޭކުލީތޭރީޚުދާއީ…

ލޭގެ ޤައުމީވިންދަކީ ލޮބުވެތި މިޤައުމުގެ ކުޑަކުދީން
(ދޭހަވާޤައުމިއްޔަތުގެމަގު)
ދޭހަވާ ޤައުމިއްޔަތުގެމަގު ޗާޓަކީތިޔަ ކުޑަކުދީން

މާދަމާ ޤައުމާއިވަޠަނަށް ލާބަހުރިހައި ކަންކަމަށް 2
(ފާޅުގައި އިސްވާނެބަޔަކީ)
ފާޅުގައި އިސްވާނެބަޔަކީ ތިޔަ އުފާވެރި ކުޑަކުދީން

ފަރިކަމާ ޗާލޫކަމާ ނިޔަނެތިކަމުގެ ދެގޮތެއްނުވާ 2
ް (ތަރިތަކެއްފަދަ ޤައުގައިވީ)
ތަރިތަކެއްފަދަ ޤައުމުގައިވީ ނޫރަކީ ތިޔަ ކުޑަކުދީން

ހިތްތަކުގެ ފިނިކަންކަމަށްވާ ރޫޙުތައް ދިރުވާނަޔާ 2
(ހިތްތަކުގެ އުންމީދަކީއަދި)
ހިތްތަކުގެ އުންމީދަކީއަދި އުފަލަކީ ތިޔަ ކުޑަކުދީން

ސޫރަކުރަވާ މާދަމާ ޤައުމުގެ ތަސައްވުރުދައްކުވާ 2
(ރޫޙަކީ މުޅިރޫޙަކީ ތިޔަ)
ރޫޙަކީ މުޅިރޫޙަކީ ތިޔަ ފަޚްރުވެރިވީ ކުޑަކުދީން

10 މެއި 2025
*عبدالعزيزقاسم
ލިލީ ނ.މަނަދޫ