57 ވަނަ ބޮޑީބިލްޑިންގ އެންޑް ފިޒީކް ސްޕޯޓްސް ޗެމްޕިއަންޝިޕު 2025 ގައި ވާދަކޮށް ލޯ މެޑަލް ހާސިލްކުރި ގައުމީ ބޯޑީބިލްޑިންގ ޓީމު މިއަދު ރާއްޖެ އައުމުން ހޫނު މަރުޙަބާއެއް ކިޔައިފިއެވެ. އެ ޓީމަށް މަރުހަބާ ދެންނެވުމަށް ވެލާނާ އިންޓަނޭޝަނަލް އެއަރޕޯޓަށް ވަޑައިގެންނެވީ ސްޕޯޓްސް ކޮމިޝަނަރ މުހައްމަދު ޠަލާލާއި ކުޅިވަރު ވުޒާރާގެ އިސްވެރިންނެވެ.
މި މުބާރާތުގައި ރާއްޖެއަށް ލޯ މެޑަލް ހޯދައިދިނީ ގައުމީ ބޯޑީބިލްޑިންގ ޓީމާ ދާދިފަހުން ގުޅުނު މަނާފް ވަހީދެވެ. މި މަހުގެ 18 އިން 25 އަށް ތައިލޭންޑުގެ ބެންކޮކުގައި ބޭއްވުނު މުބާރާތުން މަނާފަށް ލޯ މެޑަލް ލިބުނީ ފިރިހެނުންގެ އެތުލެޓިކް ފިޒީކް 160 ސެންޓިމީޓަރުގެ ގިންތިންނެވެ.
Commissioner of Sports Mohamed Tholal welcomed national Bodybuilding team who recently competed in the 57th Asian Bodybuilding and Physique Sports Championship 2025.
In this championship Manaaf Waheed won a bronze medal in the Men's Athletic Physique 160cm category. pic.twitter.com/S18bMWbSSn— Ministry of Sports, Fitness and Recreation (@MoSFR_mv) August 31, 2025
ތައިލޭންޑުގެ ބޮޑީބިލްޑިންގ އެންޑް ފިޒީކް ސްޕޯޓްސް އެސޯސިއޭޝަނުން އިންތިޒާމުކުރި މި މުބާރާތުގައި ރާއްޖެއިން ހަތަރު އެތުލީޓުން ވާދަކުރިއެވެ. އެއީ މަނާފްގެ އިތުރުން އަލީ މަބްރޫކް ލަތީފް، އިސްމާއިލް ޝުޢާއު ޢަބްދުﷲ އަދި އަހުމަދު ނަޢީމްއެވެ.
މި މުބާރާތުގައި މަނާފް ވާދަކުރީ ދޮޅު މަސްދުވަހުގެ ތަމްރީނުތަކަށްފަހުއެވެ. 18 އެތުލީޓުންނާ ވާދަކޮށް ލޯ މެޑަލް ހާސިލުކުރި މަނާފް ބުނީ މުބާރާތާ ކުރިމަތިލިއިރު ކޮންމެވެސް ވަރަކަށް ހާސްކަން ކުރިމަތިވި ނަމަވެސް، ކޯޗު ޢަބްދުލް ހަސީބު ހުސައިންގެ އިރުޝާދާއި ހިތްވަރާއެކު މުބާރާތުން ނެރެވުނު ނަތީޖާއާމެދު ފަޚުރުވެރިވާ ކަމަށެވެ.
