ހުވަދުއަތޮޅު ދެކުނުބުރީ ފިޔޯރީ ބަނދަރު ތަރައްޤީކުރުމާއި، ގޮނޑުދޮށް ހިމާޔަތްކުރުމުގެ މަޝްރޫޢުގެ މަސައްކަތް ބާރު ދުވެއްޔެއްގައި ކުރިއަށްދާ ކަމަށް އެ މަޝްރޫޢުގެ ކޮންޓްރެކްޓަރ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.
2009 ވަނަ އަހަރު ބޭނުންކުރަން ފެށި ބަނދަރަކީ ރަށުގެ ރައްޔިތުންނަށާއި އެރަށަށް ޒިޔާރަތްކުރާ ފަރާތްތަކަށް ލަފާފުރުމުގެ ދަތިކަން ދިމާވާ ބަނދަރެއްކަން ފާހަގަކުރެވެއެވެ. މި މައްސަލައަށް ހައްލެއް ހޯދުމުގެ ގޮތުން ސަރުކާރުން ވަނީ މިއަހަރުގެ އޭޕްރިލް މަހުގެ ތެރޭގައި 38 މިލިއަން ރުފިޔާއަށްވުރެ ބޮޑު އަގެއްގައި އެމްޓީސީސީއާ މި މަޝްރޫޢު ހަވާލުކޮށްފައެވެ.
އެމްޓީސީސީން މަޢުލޫމާތު ދެއްވިގޮތުގައި، މި މަޝްރޫޢުގެ ދަށުން އެއްގަމުތޮށީގެ ބީމްތައް ޖެހުމުގެ މަސައްކަތް މިމަހުގެ 26 ވަނަ ދުވަހުގެ ނިޔަލަށް ވަނީ ފުރިހަމަކޮށްފައެވެ. އަދި މިވަގުތު ކުރިއަށްދަނީ އެއްގަމު ތޮށީގެ ކެޕިން ބީމް އެޅުމުގެ މަސައްކަތެވެ.
Project Update: Design and Build of Harbour Upgrade and Coastal Protection Structures at GDH. Fiyoari
Quay wall block installation work has been completed on 26th August 2025. Quay wall capping beam work is currently ongoing at the site.
Follow more updates at:… pic.twitter.com/9WfRbSLMbu
— MTCC Plc (@MTCCPlc) August 30, 2025
މި މަޝްރޫޢުގެ ދަށުން ނެރު ބައްތިއާއި މަގު ބައްތި ޖެހުމުގެ މަސައްކަތްވެސް ހިމެނޭކަމަށް އެމްޓީސީސީން ފާހަގަކުރެއްވިއެވެ. މި މަޝްރޫޢު ނިމުމުން، ދިގު ޒަމާންތަކެއް ވަންދެން ރަށުގެ ރައްޔިތުން ކުރިމަތިލާންޖެހިފައިވާ ލަފާފުރުމުގެ ދަތިކަމަށް ދާއިމީ ހައްލެއް ލިބޭނެކަމަށް ސަރުކާރުން ޤަބޫލުކުރައްވައެވެ.
