ސްރީލަންކާގެ ކޮލޮމްބޯއަށް ޚާއްސަ ދަތުރުތަކެއް ކުރުމަށް ނިންމައި، އަގުހެޔޮ ފެއަރއެއް ޤައުމީ އެއަރލައިން މޯލްޑިވިއަނުން ތަޢާރަފުކޮށްފިއެވެ. މި ދަތުރުތަކަށް ބޭނުންކުރާނީ އެއަރބަސް އޭ320 ބޯޓެވެ.
މޯލްޑިވިއަނުން ވިދާޅުވީ، ޓިކެޓުގެ އަގު ހެޔޮކުރުމާއެކު، ފޯރުކޮށްދޭ ޚިދުމަތްތައް ރަނގަޅުކުރުމަށް މަސައްކަތްކުރަމުންދާ ކަމަށާއި، ރާއްޖެއާއި ލަންކާއާ ދެމެދު ދަތުރުކުރުމަށް އިސްކަންދޭ އެއާލައިނެއްގެ ގޮތުގައި ހަރަކާތްތެރިވުމަށް މަސައްކަތްކުރަމުންދާ ކަމަށެވެ.
ކޮލޮމްބޯއަށް ކުރާ މި ޚާއްސަ ދަތުރުތަކުގެ ޓިކެޓުގެ އަގު ފެށޭނީ 99 އެމެރިކާ ޑޮލަރުންނެވެ. މި ދަތުރުތައް އޮންނާނީ ޑިިސެމްބަރު މަހުގެ 7 ވަނަ ދުވަހާއި 9 ވަނަ ދުވަހުއެވެ.
ފަސިންޖަރުންނަށް ލިބޭ އިތުރު ފައިދާތަކުގެ ތެރޭގައި، ދަތުރުކުރާ ކޮންމެ މީހަކަށް 35 ކިލޯގެ ހިލޭ ބެގޭޖް އެލަވަންސް ލިބޭނެ ކަމަށް މޯލްޑިވިއަނުން ވަނީ ހާމަކޮށްފައެވެ.
މޯލްޑިވިއަނުން ދެކޭގޮތުގައި މި ދަތުރުތަކާއެކު ލަންކާއަށް ދަތުރުކުރަން ބޭނުންވާ ދިވެހިންނަށް ގިނަ ފަސޭހަތަކެއް ލިބިގެންދާނެއެވެ. އަދި ފަތުރުވެރިކަމަށް ވެސް މީގެ ފައިދާކުރާނެ ކަމަށް އެއަރލައިނުން ބުނެއެވެ.
މީގެ އިތުރުން މޯލްޑިވިއަނުން ވަނީ ޑިސެމްބަރު ބަންދާއި ދިމާކޮށް ތައިލޭންޑްގެ ބެންކޮކް އަދި މެލޭޝިއާގެ ކުއަލަލަންޕޫރަށް ވެސް ޚާއްސަ ދަތުރުތަކެއް ކުރުމަށް ނިންމާފައެވެ. މި ދަތުރުތައް އޮންނާނީ ޑިސެމްބަރު އަދި ޖަނަވަރީ މަހުގައެވެ.
މޯލްޑިވިއަންގެ ފްލީޓުގައި މިވަގުތު 25 މަތިންދާބޯޓު ހިމެނެއެވެ. މީގެ ތެރޭގައި ވައިޑް-ބޮޑީ އެއަރބަސް އޭ330، ނެރޯ-ބޮޑީ އެއަރބަސް އޭ320 މަރުކާގެ މަތިންދާބޯޓަކާއި، އޭޓީއާރު މަރުކާގެ 5 މަތިންދާބޯޓަކާއި، ޑޭޝް 8 މަރުކާގެ 8 މަތިންދާބޯޓާއި، އަދި ޑޭޝް 6 މަރުކާގެ ޓްވިންއޮޓާރ 11 މަތިންދާބޯޓު ހިމެނެއެވެ.
ކިޔުންތެރިންގެ ޚިޔާލުތައް:
ޑިސެންބަރ މަހުގެ އަގުތައް އުޅެނީ ކިހާވަރަކައްތޯ