އަންނަ ހަފްތާގައި ވޮޝިންޓަންގައި ބޭއްވުމަށް ހަމަޖެހިފައިވާ ވޯލްޑް ކަޕް ޑްރޯ، އީރާނުން ބޮއިކޮޓްކުރަން ނިންމައިފިއެވެ. މި ނިންމުން ނިންމާފައިވަނީ އެ ޤައުމުގެ ފުޓުބޯޅަ ޑެލިގޭޝަންގެ ބައެއް މެންބަރުންނަށް، ފެޑެރޭޝަންގެ ރައީސް މެހްދީ ތާޖް ހިމެނޭ ގޮތަށް، އެމެރިކާއިން ވިސާ ދިނުމަށް ދެކޮޅު ހެދުމާ ގުޅިގެންނެވެ.
އިރާނުން ވަނީ މި މައްސަލަ ފީފާއަށް ހުށަހަޅާފައެވެ. އަދި އެއީ ކުޅިވަރާ ގުޅުންހުރި ކަމަކަށްވުރެ ބޮޑަށް ސިޔާސީ މައްސަލައެއް ކަމަށް ބުނެ، އެމެރިކާގެ ނިންމުން ބަދަލުކުރުމަށް އެ ޖަމިއްޔާއިގެ ކިބައިން ވަނީ އެދިފައެވެ. އެމެރިކާއިން ވިސާ ދީފައިވަނީ އިރާނުގެ ޑެލިގޭޝަންގެ ހަތަރު އޮފިޝަލުންނަށް އެކަންޏެވެ. އެ ހަތަރު މީހުންގެ ތެރޭގައި ގައުމީ ޓީމުގެ ކޯޗު ހިމެނެއެވެ. ނަމަވެސް ބާކީ ތިބި މެންބަރުންނަށް ވިސާ ދިނުމަށް އެމެރިކާއިން ވަނީ ދެކޮޅު ހަދާފައެވެ.
ވޯލްޑް ކަޕަށް ޖެހިޖެހިގެން ހަތަރު ވަނަ ފަހަރަށް ކޮލިފައިވެފައިވާ އިރާނާއި އެމެރިކާއާ ދެމެދު ސިޔާސީ ގޮތުން ގިނަ ދުވަސްތަކެއް ވަންދެން ހަމަނުޖެހުންތައް އުފެދިފައިވެއެވެ. ނަމަވެސް ފާއިތުވި އަހަރުތަކުގައި ދެ ގައުމުން ވަނީ ނިއުކްލިއާ ވާހަކަތައް ބާއްވާފައެވެ. މިފަހަރުގެ ވިސާ މައްސަލައަކީ ދެ ގައުމުގެ ގުޅުމުގައި ހުރި ސިޔާސީ ހީކެރުވުން އަނެއްކާވެސް ފެންނަން ފެށި ކަމެކެވެ.
ކިޔުންތެރިންގެ ޚިޔާލުތައް:
ޓުރްެްޕަކީ ނުބާ މީހެއް އެގޭ