ގަމު ގޮނޑުދޮށް ޙިމާޔަތް ކުރުމުގެ މަޝްރޫޢު ހުއްޓުމެއްނެތި ކުރިއަށްދާކަމަށް އެމްޓީސީސީއިން ވިދާޅުވެއްޖެއެވެ.
ލ. ގަމަށް ދިމާވެފައިވާ އެންމެ ބޮޑު އެއް މައްސަލައަކީ ރަށް ގިރުމުގެ މައްސަލައެވެ. މި މައްސަލައަށް ޙައްލެއް ހޯދުމަށްޓަކައި ސަރުކާރުން އެމްޓީސީސީއާ ޙަވާލުކޮށްގެން ކުރިއަށްގެންދާ ގޮނޑުދޮށް ޙިމާޔަތް ކުރުމުގެ މަޝްރޫޢުގެ ތެރެއިން ރިވެޓްމެންޓް ޖެހުމުގެ މަސައްކަތް މިހާރު ވަނީ އެއްކޮށް ނިމިފައެވެ. މިހާރު ކުރިއަށްދަނީ ގްރޮއިން ޖެހުމާއި ގޮނޑުދޮށަށް ވެލި އެޅުމުގެ މަސައްކަތްތަކެވެ.
Project Update: Design and Build of Shore Protection Structures at L. Gan
We have completed construction of revetment. Groyne profiling and back filling works are ongoing.
Follow more updates at: https://t.co/SfVAzkW2pp #MTCCProjects #TeamMTCC #RayyithungeKunfuni… pic.twitter.com/Pba1DIM92P
— MTCC Plc (@MTCCPlc) January 8, 2026
މި މަޝްރޫޢުގެ ދަށުން 30 މީޓަރުގެ ރިވެޓްމެންޓް ޖެހުމާއި، 260 މީޓަރުގެ ގްރޮއިންސް ޖެހުމުގެ އިތުރުން 10,007 ކިއުބިކް މީޓަރުގެ ވެލި ގޮނޑުދޮށަށް އެޅުމަށް ވަނީ ހަމަޖެހިފައެވެ. މިއީ ގާތްގަނޑަކަށް 52.11 މިލިޔަން ރުފިޔާގެ މަޝްރޫޢެކެވެ.
މި މަސައްކަތް ނިމުމުން ގަމުގެ ގޮނޑުދޮށް ޙިމާޔަތް ކުރެވި، ރަށް ގިރުމުގެ މައްސަލައަށް ދާއިމީ ޙައްލެއް ލިބިގެންދާނެއެވެ. މިއީ ރާއްޖޭގެ ރަށްތަކަށް ދިމާވެފައިވާ ރަށް ގިރުމުގެ މައްސަލަ ޙައްލު ކުރުމަށް ސަރުކާރުން ކުރިއަށްގެންދާ މަސައްކަތްތަކުގެ ބައެކެވެ.
