ތިބާގެ ވަށައިގެން ހިނގާ ކޮންމެ ކަމަކީ ތިބާގެ ކޮންޓްރޯލްގެ ދަށުގައިވާ ކަންކަން ނޫން ކަމަށް މުފްތީ މެންކް ވިދާޅުވެއްޖެއެވެ. މުފުތީ މެންކް މިހެން ވިދާޅުވީ މުފްތީގެ ފޭސްބުކް ޕޭޖްގައިކުރި ޕޯސްޓެއްގައެވެ.
މުފުތީ އިތުރަށް ވިދާޅުވީ، ތިބާގެ ވަށައިގެންވާ ކަންކަމަކީ ތިބާގެ ކޮންޓްރޯލްގެ ދަށުގައިވާ ކަންކަން ނޫން ކަމަށްވިޔަސް، ތިބާގެ ބާރު ހިނގާ ހިސާބުގައި ހިނގާ ކަންކަމަކީ ތިބާއަށް ކޮންޓްރޯލް ކުރެވޭނެ ކަންކަން ކަމަށެވެ. އެހެންކަމުން، އެފަދަ ކަންކަން ކޮންޓްރޯލް ކުރަންޖެހޭކަމަށާއި، އެގޮތަށް ޢަމަލު ނުކޮށްފިނަމަ، ތިމާގެ ހަމަޖެހުމަށް ގެއްލުންތަކެއް ފޯރާނެ ކަމަށް މުފްތީ ވިދާޅުވިއެވެ. އެގޮތަށް ޢަމަލުކުރެވޭނީ، އެކަމަށް މިސްރާބު ސީދާކޮށް، ދެގޮތެއް ނުވެ ސާބިތުކަމާއެކު މަސައްކަތް ކޮށްގެން ކަމަށާއި، ނަތީޖާއަކަށްވާނީ ދިރިއުޅުމުގައި ދިމާވާ ކޮޅިގަނޑުތަކުން ސަލާމަތްވެ، ކުރިއަށް ދިއުމުގެ މަގު ތަނަވަސްވެގެން ދިއުން ކަމުގައި މުފްތީ ވިދާޅުވިއެވެ.
އަޅުގަނޑުމެންގެ ނަފްސު އިސްލާޙްކޮށް އަމާން މަންޒިލަކަށް ވާސިލުވުމަށްޓަކައި، މުފްތީ ފާހަގަކުރެއްވި މުހިއްމު ނުކުތާއާ ދޭތެރޭ އަޅުގަނޑުމެން ވިސްނައި، ޢަމަލުތައް ސީދާކުރެވޭތޯ ބެލުމަކީ މުހިއްމު ކަމެކެވެ. ދިރިއުޅުމުގެ ތެރޭގައި ދިމާވާ ކަންކަމުގައި، ތިމާގެ އަމިއްލަ ބާރާއި އިޚްތިޔާރު ހިންގާ ކަންތައްތަކެއް ވާކަން ޤަބޫލުކޮށް، އެ ކަންކަން ސީދާ މަގުގައި ހިފަހައްޓައިގެން ކުރިއަށް ދިއުމަކީ ތިމާގެ ޙަޔާތަށް ލިބޭނެ ރޯޝަން ކަމެކެވެ.
