"ތްރީބަޑީސް" އިން ޗައިނާއިން މުދާ ގެންނަން ފަސޭހަ ގޮތްތަކެއް ހަމަޖައްސައި، ފްރައިޓް ފޯރވަރޑިންގެ ވިޔަފާރި ފުޅާކޮށްފިއެވެ. "ތްރީބަޑީސް" އަކީ ފްރައިޓް ފޯވަރޑިންގެ ވިޔަފާރިތެރެއިން މިފަހަކަށް އައިސް މަޤުބޫލުކަން ހޯދަމުން އަންނަ ކުންފުންޏެކެވެ. ޚާއްސަކޮށް "ތްރީ ބަޑީސް" މަޝްހޫރު ވަމުން އަންނަނީ ޗައިނާއިން ގަންނަ މުދާ ހެޔޮއަގުގައި އަދި ރައްކާތެރިކަމާއި އެކު، ކަސްޓަމަރގެ ގޭ ދޮރުމައްޗަށް ފޮނުވައިދީ، އެތައް ގިނަ ކަސްޓަމަރުންނެއްގެ އިތުބާރު ހޯދަމުން އަންނަ ކުންފުންޏެއްގެ ގޮތުގައެވެ.
ވިޔަފާރި ބޭނުމަށް އަދި ކަސްޓަމަރުންގެ އަމިއްލަ ބޭނުންތަކަށް ޗައިނާގެ އޮންލައިން ޕްލެޓްފޯމުތަކުން ގަންނަ މުދާ ރާއްޖެއާއި ހަމައަށް ގެނެސް ކަސްޓަމްސް ކުލިއަރކޮށްދީ ރަށާ ހަމައަށް ފޯރުކޮށްދިނުމުގެ އިންތިޒާމު ތްރީ ބަޑީސްއިން އަންނަނީ ހަމަޖައްސައިދެމުންނެވެ.
ތްރީބަޑީސް މެދުވެރިކޮށް ޗައިނާއިން ރާއްޖެއަށް މުދާ ގެންނަވަން ބޭނުންފުޅުވާ ފަރާތްތަކުން ޚިދުމަތަށް ރަޖިސްޓަރވެލައްވަން ޖެހިވަޑައިގަންނަވާނެއެވެ. މިގޮތުން އޮންލައިންކޮށް ރެޖިސްޓްރޭޝަން ފޯމް ފުރިހަމަކޮށްލެއްވުމުން، "ޗައިނާއިން ރާއްޖެއަށް މުދާ ގެނައުމުގެ އެއްބަސްވުން" ލިބިލައްވާނެއެވެ. މި ޑޮކިމަންޓްގައި، ކަސްޓަމަރުގެ މަޢުލޫމާތު، ޗައިނާއިން މުދާގެނައުމުގައި އަމަލުކުރަންޖެހޭ އުސޫލު، އެތެރެކޮށްނުދޭ މުދަލުގެ މަޢުލޫމާތު އަދި އެއްބަސްވުމުގެ އިޤްރާރު ހިމެނޭނެއެވެ. މީގެ އިތުރުންވެސް ކަސްޓަމަރަށް ބޭނުންވާ މުޙިއްމު މަޢުލޫމާތުތައް މި ޑޮކިއުމަންޓްގައި ހިމެނޭނެއެވެ. އޮންލައިން ރެޖިސްޓްރޭޝަންގެ ލިންކް ތްރީބަޑީސްގެ ކޮމިއުނިޓީ ވައިބަރ ގްރޫޕުން އަދި ފޭސްބުކް ޕޭޖުން ލިބިލައްވާނެކަމަށް އެފަރާތުން މަޢުލޫމާތު ދެއްވައެވެ.
ޗައިނާގެ މަޝްހޫރު އޮންލައިން ވިޔަފާރި ޕްލެޓްފޯމެއް ކަމުގައިވާ އަލީބާބާއިން މުދާގަނެ ޗައިނާގައި ހުންނަ ތްރީބަޑީސްގެ ވެއަރހައުސްއަށް ފޮނުވުމުން، ރާއްޖެއަށް އެމުދާ ގެނެސްދީ ކަސްޓަމަރަށް ޑެލިވަރކޮށްދިނުމުގެ ޚިދުމަތް ތްރީ ބަޑީސްއިން ފޯރުކޮށްދެނީ ހީވެސް ނުކުރާހާ ފުރިހަމަކޮށެވެ. މިގޮތުން ޗައިނާގެ ވެއަރހައުސްއަށް މުދާ ފޮނުވުމަށްފަހު ކަސްޓަމަރުން ސަމާލުކަން ދޭންޖެހޭ މުހިއްމު ބައެއް ކަންކަން ހުންނަކަމަށް ތްރީ ބަޑީސްއިން ފާހަގަކުރެއެވެ. މި މަރުޙަލާގައި މުދާ ވެއަރހައުސްއަށް ލިބިއްޖެކަން ކަށަވަރުކުރުމަށް ސަޕްލަޔަރ މެދުވެރިކޮށް ޓްރެކިންގ ނަންބަރ ހޯދުން މުހިއްމުކަމަށް އެފަރާތުން ފާހަގަކުރައްވައެވެ. އަދި ހަމައެއާއި އެކު މުދަލުގެ ޝިޕިންމާރކް އާއި މުދަލުގެ އިންވޮއިސް އަދި ޕެކިންގ ލިސްޓްގެ ތައްޔާރު ކުރާނެގޮތުގެ ނަމޫނާ ތްރީބަޑީސްއިން ކަސްޓަމަރުންނަށް ދެމުންދާނެއެވެ. އަދި ޗައިނާގެ ވެއަރހައުސްއަށް މުދާ ލިބުމުން އެ މަޢުލޫމާތު އެ ކަސްޓަމަރަކަށް ވަކިން ލިބޭނެ އިންތިޒާމްވެސް ވަނީ ހަމަޖައްސަވާ ފައެވެ. އަދި މުދާގެނައުމުގެ ކޮންމެ މަރުޙަލާއެއް ކުރިއަށްދަނީ ވަރަށް ދެފުއްފެންނަ (ޓްރާންސްޓްޕޭރަންޓް) ގޮތަކަށް ކަންވެސް ފާހަގަކޮށްލެވެއެވެ. މިގޮތުން ކޮންޓެއިނަރަށް މުދާ ލޯޑްކުރާ ތާރީހާއި ކޮންޓެއިނަރ ރާއްޖެއަށް އަންނަ ތާރީޚާއި، މުދާ ކްލިއަރ ކުރެވޭނެ ތާރީޚް ފަދަ މުޙިއްމު މަޢުލޫމާތު ކަސްޓަމަރުންނަށް ޑޭޓްޑޭ ޙިއްސާކުރެވުމުންދާނެއެވެ. ތްރީ ބަޑީސްގެ އެންމެ ޚާއްޞަ ސިފައަކީ ތްރީ ބަޑީސްއަށް މުދާކޮޅު ޗައިނާއިން ހަވާލުކުރާ ހިސާބުން ކަސްޓަމަރުގެ އަތަށް މުދާ ލިބުމާ ހަމައަށް ކަސްޓަމަރަށް ލިބެންޖެހޭ ހުރިހާ އަޕްޑޭޓެއް ދުވަހުން ދުވަހަށް ލިބޭނެ ފުރިހަމަ އިންތިޒާމު ހަމަޖައްސާފައިވުންކަން ފާހަގަކޮށްލެވެއެވެ.
ތްރީބަޑީސްއިން ފޯރުކޮށްދޭ ޚިދުމަތުގެ އަގުތައް ކަނޑައެޅިފައިވަނީ ކަސްޓަމަރުންނަށް އަތްފޯރާފަށެއްގައެވެ. މިގޮތުން ކިތައްމެ ކުޑަޕެކޭޖެއްވެސް ޓްރީ ބަޑީސްގެ ޗައިނާ ވެއަރހައުސްއަށް ހަވާލުކޮށްލުމުން ރައްކާތެރިކަމާ އަމާނާތްތެރިކަމާއެކު ހެޔޮއަގުގައި ކަސްޓަމަރުގެ ގޭދޮރުމަށްޗަށް ފޯރުކޮށްދެއެވެ. މިގޮތުން އެންމެ ކުދި ޕެކޭޖުތައް ކަސްޓަމްސް ޑިޔުޓީ ނުހިމަނާ އެންމެ 30 ޑޮލަރަށް ކަސްޓަމަރ އަތަށް ފޯރުކޮށްދޭކަން ފާހަގަކޮށްލެވެއެވެ.
އޮންލައިންކޮށް މުދާގަނެ، ޗައިނާ ވެއަރހައުސްއަށް ފޮނުވުމުގައި ދަތިފުޅުވާ ފަރާތްތަކަށް ޗައިނާއިން މުދާ ގަނެދިނުމުގެ އިންތިޒާމުވެސް ތްރީ ބަޑީސް އިން ހަމަޖައްސައިދެއެވެ. މިގޮތުން ބޭނުންވާ އައިޓަމެއްގެ ލިންކް، ކޮންޓިޓީ އަދި އެހެނިހެން މަޢުލޫމާތު ފޯރުކޮށްދީ ފައިސާ ފޮނުވުމުން، ސަޕްލަޔަރުއަތުން އެތަކެތި ގަނެދީ، ރާއްޖެއަށް ގެނެސްދިނުމުގެ ޚިދުމަތް ފޯރުކޮށްދެވެއެވެ.
ވިޔަފާރީގައި ހަރަކާތްތެރިވާ ފަރާތްތަކަށް، އަދި އާންމު ފަރުދުންނަށް މުދާ ގެނައުމުގައި ހޭދަވާ ވަގުތާއި ތަކުލީފުތަކަށް ލުޔެއް ހޯދައިދީ، ކަސްޓަމަރުންގެ ބޭނުންތަކާއި އެއްގޮތަށް ޚިދުމަތް ފޯރުކޮށްދިނުމުގައި ތްރީބަޑީޒްއިން ދަނީ އަރުތަ ޚާސިލްކުރަމުންނެވެ. އަދި މިއީ ރާއްޖޭގައި ކުރިއަރަމުން އަންނަ ފްރައިޓް ފޯވަރޑިންގެ ވިޔަފާރީގައި، ގިނަބައެއްގެ އިތުބާރު ލިބިފައިވާ، މަޤްބޫލު ކުންފުންޏެއްކަން ފާހަގަކުރަމެވެ. މިއީ، ތްރީބަޑީސްގެ މައިގަނޑު އަމާޒަށް ވާސިލްވުމަށްޓަކައި، ވިޔަފާރީގެ ކޯވެލިއުސްތަކަށް ބެލެވިގެން، ވާދަވެރި ވިޔަފާރީގެ މާހައުލުގައި، ދިމާވާ ގޮންޖެހުންތަކާއި ހުރަސްތައް ގިރާކުރަމުން ވިޔަފާރީގެ ނަފާވެރިކަން ހޯދަމުންދާ ވިޔަފާރިއެއްކަން ފާހަގަކުރަމެވެ. ތްރީބަޑީސް އިން ފޯރުކޮށްދޭ ޚިދުމަތާއި ގުޅޭގޮތުން މަޢުލޫމާތު ހޯދުމަށް، 9417856 އަދި 92416181 އާއި ގުޅުއްވުމަށް އެފަރާތުން އެދިލައްވައެވެ.
ފްރައިޓް ފޯވަރޑިންގެ ވިޔަފާރި ރާއްޖޭގައި މިހާރު އަންނަނީ ހަލުވި ސްޕީޑްގައި ފުޅާވަމުންނެވެ. ބޭރުގެ ޤައުމުތަކުގެ ކުންފުނިތަކުން ކޮންޓްރޯލް ކުރަމުން އަންނަ ފްރައިޓް ފޯވާރޑިން ވިޔަފާރީގެ ތެރެއަށް ދިވެހި އަމިއްލަ ކުންފުނިތަކުންވެސް މިހާރު އަންނަނީ ވަންނަމުންނެވެ. މިގޮތުން ޗައިނާ، ބެންކޮކު، މެލޭޝިޔާ، އިންޑިޔާ އަދި ލަންކާ ފަދަ ޤައުމުތަކުން އަމިއްލަފަރުދުން އޮންލައިންކޮށް ގަންނަ މުދާ ކަނޑުމަގުން އަދި ވައިގެ މަގުން ހެޔޮއަގުގައި ގެނެސްދިނުމުގެ އިންތިޒާމު ރާއްޖޭގެ އަމިއްލަ ކުންފުނިތަކުން މިހާރު އަންނަނީ ހަމަޖައްސައިދެމުންނެވެ.
