އިދިކޮޅު ޕީޕީއެމްގެ ކެލާ ދާއިރާގެ ރައީސް ކަމުގެ މަގާމުގައި ހުންނެވި އަހުމަދު ގާލިބް، އެޕާޓީން ވަކިވިތާ ހަފްތާއެއް ފަހުން ސަރުކާރު ހިންގާ މައި ޕާޓީ، އެމްޑީޕިއާ ގުޅިއްޖެއެވެ.
އެމްޑީޕީން ބުނި ގޮތުގައި ގާލިބުގެ އިތުރަށް ވެސް ޕީޕީއެމްގެ އިތުރު މެންބަރުންތަކެއް މިރޭ ވަނީ އެ ޕާޓީއާ ގުޅިފައެވެ. ޕީޕީއެމުން ވަކިވިކަން ހާމަކުރަމުން ގާލިބު މީގެ ކުރިން ކުރި ޓްވީޓެއްގައި ލިޔެފައިވަނީ އެ ޕާޓީގައި ކުރިއަށް ދިޔުމަށް އެކަށީގެންވާ މާހައުލެއް ނެތް ކަމަށެވެ.
ހއ. ވަށަފަރު ކައުންސިލްގެ ނައިބު ރައީސްކަން ވެސް މީގެ ކުރިން ކުރައްވާފައިވާ ގާލިބު އެމްޑީޕީއަށް މިއަދު ގުޅުނު އިރު، ކުރިއަށް އޮތް ރިޔާސީ އިންތިހާބުގައި ޕީޕީއެމްގެ ޓިކެޓުގައި ވާދަކުރުމުގެ ޝައުގުވެރިކަން އޭނާގެ ބޭބެ އަދި މާލޭގެ މޭޔަރު މުއިއްޒު ގެންގުޅުއްވާ ކަމުގެ އަޑުތައް ގަދައެވެ.
Today I have joined @MDPSecretariat with my family and many PPM friends from our island Ha.Vashafaru currently in Male’. This is just the beginning of changing political landscape of Vashafaru and Kelaa Constituency to MDP stronghold before the upcoming presidential election.… pic.twitter.com/CNnBtUw2KC
— Ahmed Ghaalib (@AhmedGhaalib) June 19, 2023
އޭގެ ހަފްތާއެއް ފަހުން އޭނާ މިއަދު ވަނީ އެމްޑީޕީއަށް ސޮއި ކުރައްވާފައެވެ. އޭނާ ސޮއިކުރެއްވިއިރު، އެމްޑީޕީގެ އިސް ބޭފުޅުންތަކެއް އެ ރަސްމިއްޔާތުގައި ބައިވެރިވެެވަޑައިގެންނެވިއެވެ. އޭނާގެ ފޯމާއި ހަވާލުވެވަޑައިގެންނެވީ، ރައީސް އިބްރާހިމް މުހައްމަދު ސޯލިހެވެ.
ގާލިބަކީ ޕީޕީއެމްގެ އެކިއެކި ހަރަކާތްތަކުގެ ކުރީ ސަފުން ފެންނަ ބޭފުޅެކެވެ. އޭނާ ވަނީ މަޝްހޫރު ވިކްޓަރީ ސްޕޯޓްސް ކްލަބްގެ މެނޭޖަރު ކަން ވެސް ކުރައްވައިފައެވެ.
