ޑިޖިޓަލް އައިޑީ ކާޑަކީ ވަކި މުއްދަތަކުން ހަމަވާ ކާޑެއްނޫންކަމަށާއި، އެތެރޭގެ އުދުހުން ތަކުގައި ބޭނުން ކުރުމަށް އީފާސް މޯބައިލް އެޕް ޑަައުންލޯޑުކޮށް، ޑިޖިޓަލް އައިޑީ ކާޑު ހޯއްދެއްވުމަށ،ް ސައިންސް އެންްޑް ޓެކްނޮލޮޖީ މިނިސްޓްރީގެ ސްޓޭޓް މިނިސްޓަރ މުޙައްމަދު ޝަރީފް އިލްތިމާސް ކުރައްވައިފިއެވެ.
ޑިޖިޓަލް އައިޑީ ކާޑަކީ ވަކި މުއްދަތަކުން ހަމަވާ ކާޑެއްނޫން. އެތެރޭގެ އުދުހުން ތަކުގައި ބޭނުން ކުރުމަށް އީފާސް މޯބައިލް އެޕް ޑަައުންލޯޑުކޮށް ޑިޖިޓަލް އައިޑީ ކާޑު ހޯއްދަވާ!
🍎 https://t.co/faDmeqk1ya
📱 https://t.co/6hkIsn5VUY#digitalidentity #Maldives https://t.co/tH5IYJGe0v— Mohamed Shareef (@MohmdShareef) June 20, 2023
ޝަރީފް މިހެން ވިދާޅުވީ، މިއަދުން ފެށިގެން ދިވެހިރާއްޖޭގެ ވައިގެ ބަނދަރުތަކުން އެތެރޭގެ އުދުހުންތަކުގައި ދަތުރުކުރާ ފަރާތްތަކުގެ ޓްރެވަލް ޑޮކިއުމަންޓްގެ ގޮތުގައި މުއްދަތު ހަމަވެފައިވާ ލިޔެކިޔުންތައް ބަލައި ނުގަންނާނެ ކަމަށް ޑިފެންސް މިނިސްޓްރީއިން ވިދާޅުވުމާ ގުޅިގެންނެެވެ.
ީއެއާލައިން ޓިކެޓް ގަތުމަށާއި އެއާލައިން ޗެކް-އިން ކުރުމުގެ އިތުރުން ސެކިއުރިޓީ ޗެކް ޕޮއިންޓް ތަކުން، ކާކުކަން ދެނެގަތުމަށްޓަކައި މުއްދަތު ހަމަނުވާ ލިޔެކިޔުންތަކުގެ ތެރެއިން ލިޔުމެއް ބޭނުންވާނެ ކަމަށް ޑިފެންސް މިނިސްޓްރީ އިން ވިދާޅުވިއެވެ. އެ ލިޔެކިޔުންތަކުގެ އިތުރުން ޑިޖިޓަލް އައިޑީ ކާޑާއި ސަރުކާރުގެ އިދާރާއަކުން ދޫކޮށްފައިވާ ފޮޓޯ އަދި އައިޑީ ކާޑް ނަންބަރު ޖެހި ރަސްމީ ލިޔުން ވެސް ބަލައިގަންނާނެ ކަމަށެވެ. އަދި އުމުރުން 3 މަސް ނުވާ ކުޑަ ކުއްޖެއްނަމަ ފޫޅުމައި ފޯމް ނުވަތަ އުފަންދުވަހުގެ ސެޓްފިކެޓް އެތެރޭ އުދުހުންތަކުގައި ބޭނުންކުރެވޭނެ ކަމަށްވެސް އެ މިނިސްޓްރީން ވިދާޅުވިއެވެ.
ވައިގެ ބަނދަރުތަކުން އެތެރޭގެ އުދުހުންތަކުގައި ގަބޫލު ކުރާ ލިޔުންތަކުގެ ތެރޭގައި:
- ޕާސްޕޯޓް
- ދިވެހިރައްޔިތެއްކަން އަންގައިދޭ ކާޑް
- ވާކް ވިސާ ކާޑް / ޑިޖިޓަލް ވާކް ވިސާ
- ލައިސަންސް ކާޑް / ޑިޖިޓަލް ލައިސަންސް
އެތެރޭގެ އުދުހުންތަކުގައި ފުރަންދާ ފަސިންޖަރުން ޗެކިން ވުމަށް ޑައިރެކްޓަރޭޓް އޮފް އޭވިއޭޝަން އެޑްމިނިސްޓްރޭޝަން އިން ބަލައިގަންނަ ލިޔެކިޔުންތައް ވެލާނާ އެއާޕޯޓުގެ ޗެކިން ކައުންޓަރުތަކުން ވެސް ބަލައިގަންނާނެ ކަމަށް ވެލާނާ އެއާޕޯޓު ހިންގާ ކުންފުނި މޯލްޑިވްސް އެއާޕޯޓު ލިމިޓެޑްއިން ވަނީ ވިދާޅުވެފައެވެ.
