ހުޅުމާލޭގައި އޮފީސް ޢިމާރާތެއް ތަރައްޤީކުރާނެ ބަޔަކު ހޯދުމަށް އާބަންކޯ ހުޅުވާލައިފިއެވެ.
ޑިޒައިން އެންޑް ބިލްޑް އުޞޫލުން މި މަސައްކަތް ކުރުމަށް ޝަޢުގުވެރިވާ ފަރާތްތަކުން ބިޑް ހުށަހެޅުމުގެ ފުރުޞަތު އަންނަ ޖުލައިމަހުގެ 31 ވަނަ ދުވަހުގެ ނިޔަލަށް އެ ކޯރޕަރޭޝަނުން މިހާރު ވަނީ ހުޅުވާލާފައެވެ. އެޗް.ޑީ.ސީއިން ހާމަކުރާ ގޮތުގައި މިއީ 7 ފަންގިފިލާއަށް ތަރައްޤީކުރުމަށް ހަމަޖެހިފައިވާ އޮފީސް ޢިމާރާތެއްކަމަށެވެ.
މި މަޝްރޫޢާއި ގުޅޭ ޕްރީ-ބިޑް މީޓިންގ އަންނަމަހުގެ 4 ވަނަ ދުވަހު ޒޫމް މެދުވެރިކޮށް އޮންލައިންކޮށް ބޭއްވުމަށް ހަމަޖެހިފައިވާކަމަށް އާބަންކޯއިން ބުނެއެވެ.
މި އޮފީސް ޢިމާރާތް ތަރައްޤީކުރުމަށް ބޭނުންވާ ބިން އެޗް.ޑީ.ސީއިން ވަނީ އެލޮކޭޓްކޮށްފައެވެ. އެގޮތުން މިތަން ތަރައްޤީކުރުމަށް ހުޅުމާލޭ ފުރަތަމަ ފިޔަވަހީގައި ހުންނަ މޯލްޑިވްސް ރެޑްކްރެސެންޓުގެ ޢިމާރާތާއި ޖެހިގެން 5262.61 އަކަފޫޓުގެ ބިމެއް އާބަންކޯއިން ވަނީ ކަނޑައަޅާފައެވެ.
https://twitter.com/hdcmaldives/status/1670698208996245515?s=20
އައު އޮފީސް ޢިމާރާތް ފަރުމާކޮށްފައި ވަނީ ތަފާތު ހަރަކާތްތައް ކުރިއަށް ގެންދިއުމުގެ އިތުރުން ޒަމާނީ އޮފީސް ވަޞީލަތްތައް ވެސް ބޭނުންކުރެވޭ ގޮތަށް ކަމަށާއި އަދި މި ޢިމާރާތަކީ އާބަންކޯއާއި ސަރުކާރާއި، އަމިއްލަ އޮފީސްތަކުގެ އެހެނިހެން ބޭނުންތައް ފުއްދައިދޭނެ ޢިމާރާތެއްކަމަށް އާބަންކޯ އިން ހާމަކުރެއެވެ.
އޮފީސް ހިންގުމަށް ބޭނުންވާ ޖާގައިގެ އިތުރުން ވިޔަފާރީގެ ބޭނުމަށް ޚާއްސަ ޖާގަތަކާއި، ވެހިކަލް ޕާކުކުރުމަށް ބޭނުންވާ ޖާގައާއި ޓެރެހެއްވެސް މި އޮފީސް ޢިމާރާތުގައި ހުންނާނެކަމަށް އާބަންކޯއިން ހާމަކުރެއެވެ.
އޮފީސް ހިންގުމަށް ބޭނުންވާ ޖާގައިގެ އިތުރުން ވިޔަފާރީގެ ބޭނުމަށް ޚާއްސަ ޖާގަތަކާއި، ވެހިކަލް ޕާކުކުރުމަށް ބޭނުންވާ ޖާގައާއި ޓެރެހެއްވެސް މި އޮފީސް ޢިމާރާތުގައި ހުންނާނެކަމަށް އާބަންކޯއިން ހާމަކުރެއެވެ.
