ރައީސް ނަޝީދުގެ އަރިސް ބޭފުޅުން އިސްވެތިއްބަވާ އުފެއްދުމަށް މަސައްކަތް ކުރަމުން ގެންދާ ސިޔާސީ ޕާޓީ، ދަ ޑިމޮކްރެޓްސް، އުފެެއްދުމަށް ބޭނުންވާ ހުއްދަ ދިނުމުގެ ޖަލްސާ މިއަދުގެ ވަގުތަކަށް ވަނީ އެޖެންޑާ ކުރެވިފައިވީނަމަވެސް ކޮމިޝަނުގެ ދެ މެމްބަރަކު އެ ޖަލްސާގައި ބައިވެރިވާން ދެކޮޅު ހަދައެވެ. ކޮމިޝަނުގެ އެއް މެމްބަރު މިވަގުތު ހައްޖުގެ އަޅުކަމުގައި މައްކާގައި ހުންނެވުމުން ކޮމިޝަނުގެ ދެ މެމްބަރަކު ޖަލްސާތަކުގައި ބައިވެރިވުމަށް ދެކޮޅު ހައްދަވާތީ ކޯރަމް ހަމަނުވެއެވެ.
މީގެ ކުރިން ޑިމޮކްރެޓްސްއަށް ހުއްދަ ދިނުމަށް ބޭއްވި ޖަލްސާގައި، ހުއްދަ ދިނުމަށް ފާސްނުވީ ދެ މެމްބަރަކު އެކަމަށް ދެކޮޅު ހެއްދެވުމުންކަމަށް އެކޮމިޝަނުގެ ރައީސް ފުއާދު ތައުފީގް ވަނީ ވިދާޅުވެފައެވެ. ފަހުން ދަ ޑިމޮކްރެޓްސްއިން ބުނެފައިވަނީ އެ ދެ މެމްބަރުންނަނީ އެކޮމިޝަނުގެ މެމްބަރު އަލީ ނަޝާތު އާއި މުހައްމަދު އާސިފް ކަމަށެވެ.
އެ ދެ މެމްބަރުން މަސައްކަތް ކުރައްވަނީ ސަރުކާރާއި ގުޅިގެން ދަ ޑިމޮކްރެޓްސް ރެޖިސްޓްރީވިޔަ ނުދިނުމަށްކަމަށް ޑިމޮކްރެޓްސްއިން ބުނެއެވެ.
ދަ ޑިމޮކްރެޓްސް ރެޖިސްޓްރީ ކުރުމަށް ކުރަންޖެހޭ ކަންކަން ފުރިހަމަވެ އެކަމަށް ދޭންޖެހޭ ހުއްދަ ދިނުމަށް މިއަދަށް އެޖެންޑާކޮށްފައިވާ ޖަލްސާއަށް ވަޑައިގެންނެވުމަށް ނަޝާތުއާއި އާސިފް ވަނީ ދެކޮޅު ހައްދަވާފައެވެ.
މައުލޫމާތު ލިބޭ ގޮތުގައި އިލެކްޝަންސް ކޮމިޝަން ހުއްޓުމަކަށް އައިސްފައިވަނީ ސަރުކާރުގެ ނުފޫޒުންނެވެ.
