ރައްޔިތުންގެ މަޖިލީހުގެ ރައީސް މުހައްމަދު ނަޝީދު މ. މުރައިދޫ ގެއިން އަންނަ ހޯމަ ދުވަހު ނިކުމެވަޑައިގަންނަވާނެ ކަމަށް ރަސްމީކޮށް ރައްޔިތުންގެ މަޖިލީހުގެ އިދާރާއަށް އެމަނިކުފާނުގެ ފަރާތްޕުޅުން އަންގަވައިފިއެވެ.
މަޖިލީހުގެ އަމީން އާންމު ފާތިމަތު ނިޔުޝާއަށް ނަޝީދުގެ އޮފީހުގެ ޗީފް އެގްޒެކެޓިވް އަހުމަދު މައުސޫމް އިއްޔެ ފޮނުއްވި ސިޓީއެއްގައި ވިދާޅުވީ ނަޝީދު ބަދަލުވެވަޑައިގަންނަވަނީ ގ. ބޭރުވެލި އަށްކަމަށެވެ.
"އަޅުގަނޑަކީ މާލޭގައި އުޅޭނެ ގޮތެއް ނެތް މީހެއް ނޫން. އަޅުގަނޑު ވަރަށް ބޭނުން ކެނެރީގެއަށް ބަދަލުވާން. އަޅުގަނޑުގެ ނޯޓިހަށް 14 ދުވަހަށް ވުމުން ދާނަން މުރައިދޫގެއިން," މިދިޔަ ހޯމަ ދުވަހު ރައީސް ނަޝީދު ވިދާޅުވެފައިވެއެވެ.
މަޖިލީހުގެ ރައީސްގެ މަގާމުން ނަޝީދު ވަކިކުރަން ހުށަހަޅާފައިވާ މައްސަލައިގެ ނޯޓިސް ދިނީ ޖޫން 12، ގައެވެ. އެ ނޯޓިސްގެ މުއްދަތު ހަމަވާނީ މިމަހުގެ 25، ގައެވެ.
ރައްޔިތުންގެ މަޖިލީހުގެ ރައީސް ހުންނަވާ ގެކޮޅަކީ މުރައިދޫ ގެ ކަމަށް ހަމަޖެއްސީ ނަޝީދު އަވަހާރަކޮށްލުމަށް މެއި 6، 2021 ގައި ބަޔަކު ދިން ހަމަލާއަށްފަހު ސަރުކާރުން ރަސްމީކޮށް ހަމަޖައްސަވާފައިވާ ތަނެކެވެ.
