ރައީސް އިބްރާހިމް މުހައްމަދު ޞާލިހު ވެރިކަމަށް ގެނައުމަށް ވެފައިވާ އެއްބަސްވުމުގެ ތެރެއިން ޖޭޕީއަށް ސަރުކާރުން ދޭންޖެހޭ ސިޔާސީ ވަޒީފާތަކާއި، މަޤާމުތަކުގެ ތެރެއިން ލިބުނީ އެންމެ 40 ވަޒީފާކަމަށް ޤާސިމް އިބްރާހިމްގެ ސްޕެޝަލް އެންވޯއީ އިލްހާމް އަހުމަދު ވިދާޅުވެއްޖެއެވެ.
އިލްހާމް މިހެން ވިދާޅުވީ ޖުމްހޫރީ ޕާޓީ(ޖޭޕީ)ގެ ކުރީގެ ސެކެޓްރީ ޖެނެރަލް އަދި ރައީސް އޮފީހުގެ މިނިސްޓަރު އަހުމަދު ސަމީރު އާއި އެމްޑަބްލިޔުއެސްސީގެ މެނޭޖިންގ ޑިރެކްޓަރު ޙަސަން ޝާހާއި ޖޭޕީގެ ކުރީގެ ކައުންސިލު މެންބަރުންތަކެއް ވެރިކަންކުރާ މައި ޕާޓީ އެމްޑީޕީއާ ގުޅުމުން ކުރެއްވި ޓުވީޓުގައެވެ. އިލްހާމް ވިދާޅުވީ މިއީ ބަޔަކު ހައިރާންވާ ވަރުގެ ކަމެއް ނޫންކަމަށެވެ.
އިލްހާމް ވަނީ ކޯލިޝަން ވެރިކަމުގެ ތެރެއިން ސަރުކާރުން ވެފައިވާ އެއްބަސްވުމާއި އެއްގޮތަށް ކަންކަން ނުދާކަން ފާހަގަކޮށްފައެވެ. އިލްހާމް ވިދާޅުވީ ސަރުކާރު ލިބުމުން ޖޭޕީއަށް ދޭން ވައުދުވި ވަޒީފާތަކުގެ ތެރެއިން ލިބުނީ މަދު އިންސަތައެއްކަމަށެވެ. މިއީ ވެފައިވާ ބޮޑު ޚިޔާނާތެއްގެ ގޮތުގައި އިލްހާމް ސިފަ ކުރެއްވިއެވެ.
ސަރުކާރުގެ ތަފާތު ހިސާބްތަކުން ދައްކާގޮތުން ޖޭޕީގެ %25 ޝެއަރ އަށް 350 ސިޔާސީ މަޤާމް ދެއްވަންޖެހޭ! އަޅުގަނޑުމެންގެ ހިސާބް ދައްކާގޮތުންސަރުކާރުގެ ތިއްބެވި ބޭފުޅުންގެ އަދަދު 40 ވެސް ނާރާ.
– އިލްހާމް ވިދާޅުވިއެވެ.
އިލްހާމް ވިދާޅުވީ ސިޔާސީ މަޤާމްތަކުގައި ތިއްބެވި ބޭފުޅުންގެ ތެރެއިން ބައެއް ބޭފުޅުންނަށް އަދިވެސްދަނީ ވަޒީފާގެ ބިިރާއި، ނުފޫޒް ފޯރުވަމުން ދާކަމަށެވެ. މިކަމަކީ އާ ކަމެއްނޫން ކަމަށާއި، ކުރީގެ ސަރުކާރު ތަކުންވެސް ބަލިކަށިވެ، ގޮތްހުސްވީމަ، ރައްޔިތުން މާޔޫސްކުރުވަން މިފަދަ މީޑިއާ ސްޓަންޓް ޖައްސަވާ ކަމަށެވެ.
