ޤައުމީ ފިރިހެން ފުޓުބޯޅަ ޓީމުގެ ކޯޗު، ފްރެންޗެސްކޯ މޮރިއޭރޯއަށް ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އިން ދޭންޖެހޭ މުސާރަ ނުދޭ ކަން ހާމަވެއްޖެއެވެ.
މިއަޑު މިހާ ގަދަވެފައިވަނީ، އިންޑިއާގައި މިހާރު ކުރިއަށްދާ ސާފް ޗެމްޕިއަންޝިޕް ފުޓުބޯޅަ މުބާރާތުގައި ރާއްޖެއިން ބަންގްލަދޭޝްއާ ދެކޮޅަށް ކުޅުނު މެޗުން ބަލިވުމާއެކުއެކު އުފެދުނު ނުތަނަވަސްކަމާ ހެދިއެވެ.
އެފްއޭއެމުން އެ އިދާރާގެ މުވައްޒަފުންނަށް ވެސް މުސާރަ ނުދޭ ވާހަކަތައް އާންމުގޮތެއްގައި އިވެމުންދެއެވެ. އެފްއޭއެމުން މޮރިއޭރޯ އަށް މުސާރަ ނުދޭތާ މަސްތަކެއް ވެއްޖެކަމަށް "ފިޔަ އޮންލައިން’އަށް މައުލޫމާތު ލިބެއެވެ. މޮރިއޭރޯގެ އިތުރުން ބައެއް އެހެން ޓެކްނިކަލް މުވައްޒަފުންނަށް ވެސް މުސާރަ ނުދޭތީ އެކަމުގެ ޝަކުވާ ދަނީކުރަމުންނެވެ.
މީޑިޔާ ރިޕޯޓްތައް ބުނާގޮތުން، ސާފް ޗެމްޕިއަންޝިޕްގައި ބަންގްލަދޭޝް އަތުން ބަަލިވި މެޗަށްފަހު، މޮރިއޭރޯ ވަނީ ނޫސްވެރިންގެ ސުވާލުތަކަށް ޖަވާބު ދިނުމަށް ވަނީ ދެކޮޅު ހަދާފައެވެ. އޭނާ ވަނީ އޭނާގެ ބަސްއިއްވުމަށްފަހު ޕްރެސް ދޫކޮށް ގޮސްފައެވެ. އެކަމާ ގުޅިގެން ގިނަ ބަޔެއްގެ ފާޑުކިޔުންތައް އޭނާއަށް އަމާޒުވެފައިވެއެވެ.
އެފްއޭއެމްގެ މާލީ ޙަލަތު ގޯސްވެ ކަންކަން މެނޭޖް ނުކުރެވި، ސަރުކާރުން އެ ޒިންމާ ނަގަމުންދާ އަޑުތައް ދޭތެރެއަކުން މީޑިއާއަށް ތިލަވެއެވެ.
ކިޔުންތެރިންގެ ޚިޔާލުތައް:
މަހްލޫފު މިނިސްޓަރުގެ ޖަވާބު ވަރަށް ރީތިވާނެ. ބޮޑު އަނގަ