ޙައްޖުގެ މަތިވެރި އަޅުކަމަށް ރާއްޖެއިން ދިޔަ މީހަކު ގެއްލިގެން ހޯދަމުންދާކަމަށް އިސްލާމިކް މިނިސްޓްރީން ވިދާޅުވެއްޖެއެވެ.
އިސްލާމިކް މިނިސްޓްރީން ވިދާޅުވީ ގެއްލިގެން ހޯދަމުން ދަނީ އަލް ހަރަމިން ގްރޫޕްގެ 72 އަހަރުގެ ދިވެހި ފިރިހެނެއްކަމަށެއެވެ. އަދި އޭނާ ގެއްލިގެން ހޯދާތާ މިހާރު މީ 3 ވަނަ ދުވަސްކަމަށް ސްޓޭޓް މިނިސްޓަރ ވިދާޅުވިއެވެ. އަލް ހަރަމައިން ގްރޫޕްގެ ހަވާލުގައި ޙައްޖަށް ގޮސް ހުއްޓާ ގެއްލިގެން ހޯދަމުން ދަނީ، ރ.މާކުރަތު މުހައްމަދު ނަސީމް ޢަލީ ނަމަކަށް ކިޔާ މީހެކެވެ.
ނަސީމް ގެއްލިފައި ވަނީ އަރަފާތައް ދިޔުމުގެ ކުރިން މާއްކާގެ ގަޑިން 11 ޖަހާކަށް ހާއިރުއެވެ. އޭނާ ހޯދުމުގެ މަސައްކަތް ކުރަމުން ދާއިރު، ސަޢުދީ ޢަރަބިއްޔާގެ ކަމާ ބެހޭ ފަރާއްތަކާއި ގުޅިގެން ވަކި ވަކި ހޮސްޕިޓަލްތައް ބަލާ އެޑްމިޓްކޮށްފައި އޮތްތޯވެސް ދަނީ ބަލަމުންނެވެ.
އެގްރޫޕުން ވިދާޅުވީ، އެމީހާ ގެއްލުމާއި ގުޅިގެން ހައްޖު މިޝަން އަށް ވެސް އަންގާފައިވާނެ ކަމަށާއި އަދި އެމީހާގެ ފޮޓޯއާއި މައުލޫމާތު އެސަރަހައްދުގައި ހަރަކާތްތެރިވާ މީޑިއާގެ ބޭފުޅުންނަށް ވެސް ހިއްސާ ކޮށްފައިވާނެ ކަމަށެވެ.
