އަރިއަތޮޅު ދެކުނުބުރީ އޮމަދޫ ކައުންސިލުގެ ދަޢުވަތަކަށް، ކުރީގެ ރަޢީސް އަލްއުސްތާދް މައުމޫން ޢަބްދުލްޤައްޔޫމް އެކައުންސިލާ ބައްދަލުކުރައްވައިފިއެވެ.
އޮމަދޫ ކައުންސިލުން ރަޢީސް މައުމޫން ޢަބްދުލްޤައްޔޫމްއާ ބައްދަލުކުރައްވާފައިވަނީ ޢީދު ޗުއްޓީއާއި ދިމާކޮށް އެމަނިކުފާނާއި ޢާއިލާ އެރަށަށް ވަޑައިގެން އުޅުއްވަނިކޮށެވެ.
މި ބައްދަލުވުމުގައި އޮމަދޫ ކައުންސިލުންވަނީ ރަޢީސް މައުމޫންގެ ޒަޢާމަތުގައި އޮމަދޫގެ ތަރައްޤީއަށް ކޮށްދެއްވާފައިވާ އަގުހުރި ޚިދުމަތްތަކަށާއި ހޯއްދަވައިދެއްވި ކުރިއެރުންތަކަށްޓަކައި ޝުކުރު އަދާކުރައްވާފައެވެ.
ރަޢީސް މައުމޫން ޢަބްދުލްޤައްޔޫމުގެ މިދަތުރުފުޅުގައި މިއަދު އެމަނިކުފާނުވަނީ އޮމަދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީއާއި ކުރީގެ އެރަށުގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންނާވެސް ބައްދަލުކުރައްވާފައެވެ.
ރަޢީސް މައުމޫންގެ މިދަތުރުފުޅުގައި އަނބިކަނބަލުން ނަޝްރީނާ އިބްރާހީމާއި، ދަރިކަލުން ފާރިސް މައުމޫނާއި ދަރިކަނބަލުން ޔުމްނާ މައުމޫންގެ އިތުރުން ޢާއިލާގެ އިތުރު މެންބަރުންތަކެއްވަނީ ވަޑައިގެންފައެވެ.
ރައީސް މައުމޫނާއި، ޢާއިލީ ބޭފުޅުން އޮމަދޫއަށް ވަޑައިގެންނެވުމުން އެރަށު ކައުންސިލާއި ރައްޔިތުން ވަނީ ވަރަށް ހޫނު މަރުހަބާއެއް ދަންނަވާފައެވެ. އޮމަދޫއަށް ރައީސް މައުމޫނާއި، އާއިލާ ވަޑައިގެންނެވުމުން އެރަށުުގެ ރައްޔިތުން ވިދާޅުވި ހޫނު މަރުހަބާއަށް ރައީސް މައުމޫން ވަނީ ޝުކުރު ދަންނަވާފައެވެ.
ރައީސް މައުމޫންގެ މިދަތުރުފުޅުގައި އަނބިކަނބަލުން ނަސްރީނާއި، ދަރިކަލުންނާއި، މާމަ ދަރިންނާއި، ކާފަ ދަރިންވެސް ބައިވެރިވެއެވެ. އަދި އާއިލާގެ އެހެން މެމްބަރުންވެސް ވަނީ އޮމަދޫއަށް ވަޑައިގެންފައެވެ.
