އެމްޑީޕީގެ ރައީސާއި، ނައިބް ރައީސް އިންތިޚާބު ކުރާނީ ރިޔާސީ އިންތިޚާބަށް ފަހު ކަމަށް އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވެފައިވެއްޖެއެވެ.
ސެޕްޓެމްބަރު މަހުގެ 9 ވަނަ ދުވަހު ރިޔާސީ އިންތިޚާބު ބޭއްވުމަށް ހަމަޖެހިފައިވާއިރު، މިއިންތިޚާބުގައި އެމްޑީޕީގެ ފަރާތުން ވާދަކުރައްވަނީ އެޕާޓީން ބޭއްވި އެތެރޭގެ ޕްރައިމަރީ ކާމިޔާބު ކުރެއްވި ރައީސް ޞާލިހެއެވެ. އެމްޑީޕީގެ ރައީސާއި، ނައިބް ރައީސްގެ މަޤާމު ހުސްވީ ޕްރައިމަރީއަށްފަހު އުފެދުނު ޚިޔާލް ތަފާތުވުމުގެ ތެރެއިންނެވެ.
އެމްޑީޕީގެ ރައީސްގެ މަގާމުން ރައީސް ނަޝީދު އިސްތިއުފާ ދެއްވީ ޖޫން މަހުގެ 21 ވަނަ ދުވަހުއެވެ. އެމްޑީޕީގެ ނައިބު ރައީސް ކަމުގައި ހުންނެވި މުހައްމަދު ޝިފާޒް ޕާޓީން އިސްތިއުފާ ދެއްވީ މެއި މަހުގެ 17 ވަނަ ދުވަހުއެވެ.
އެމްޑީޕީގެ އުފެއްދުމުގައި އިސް ދައުރެއް އަދާކުރެއްވި ރައީސް ނަޝީދު ވަނީ އެ ޕާޓީގެ ޗެއަރޕަސަންގެ މަޤާމުވެސް އަދާކުރައްވައިފައެވެ. އަދި ގިނަ ޕާޓީތަކެއް ވާދަކޮށްގެން ރާއްޖޭގައި ބޭއްވި ފުރަތަމަ ރިޔާސީ އިންތިޙާބު އެމްޑީޕީއަށް ކާމިޔާބުކޮށްދެއްވީ އެމަނިކުފާނު ރިޔާސީ ކެނޑިޑޭޓަކަށް ހުންނަވައިގެނެވެ.
