އަމީނީމަގުގައި މިހާރު ކުރިއަށް ދާ މަސައްކަތްތަކުގެ ތެރެއިން ދެން ކުރިއަށް ދާނީ ޣިޔާސުއްދީނާ ހަމައިގައި ހޮޅި އެޅުމުގެ މަސައްކަތް ކަމަށާއި އުންމީދަކީ ސްކޫލު ހުޅުވެން ވާއިރަށް ސުކޫލުތަކުގެ ކައިރީގެ އެންމެހާ މަސައްކަތެއް ނިންމާލުންކަމުގައި، ރޯޑް ޑިވެލޮޕްމަންޓް ކޯޕަރޭޝަން، އާރްޑީސީ އިން ބުނެފިއެވެ.
އާރްޑީސީއިން ބުނީ، މި ވަގުތު އަމީނީ މަގުގައި ކުރެވެމުން ދަނީ މީރާ ކައިރީ ފެނާއި ނަރުދަމާ ނިޒާމުގެ ހޮޅިތަށް އެޅުމުގެ މަސައްކަތްތަކެވެ.
ފެން ބިލްޑިންގ އިން ފެށިގެން ބިލަބޮންގ ސްކޫލް އާއި ހަމައަށް ހޮޅި އަޅައި ނިމުނު ހިސާބުގައި ދުވާރު އަދި ކާބްސްޓޯންގެ މަސައްކަތް ވެސް މިވަގުތު ކުރިއަށްދާ ކަމަށާއި އަދި ފެން ބިލްޑިންގ އަދި މީރާ ކައިރީ މިވަގުތު ހޮޅި އަޅައި ނިމުނު ހިސާބުގައި މިވަގުތު ސްޓޯމްވޯޓަރ ކެޗްޕިޓް ތަކުގެ މަސައްކަތް ވެސް ކުރިއަށް ދާކަމަށް އާރްޑީސީން ބުންޏެވެ.
ދެން ކުރިއަށް ދާނީ އަމީނީމަގު ޣީޔާސުއްދީނާ ހަމައިގައި ހޮޅި އެޅުމުގެ މަސައްކަތް ކަމަށާއި އުންމީދަކީ ސްކޫލް ހުޅުވެންވާއިރަށް ސްކޫލް ތަކުގެ ކައިރީގެ އެންމެހާ މަސައްކަތެއް ނިންމާލުން ކަމަށްވެސް އާރްޑީސީން ވަނީ ބުނެފައެވެ.
