ނެޝަނަލް ޑްރަގް އެޖެންސީ (އެންޑީއޭ) ރީ-ބްރޭންޑްކޮށް މަސައްކަތްތައް މިހާރަށް ވުރެ ބޮޑަށް ހަރުދަނާ ކުރަން ނިންމާފައިވާ ކަމަށް އެންޑީއޭގެ ސީއީއޯ އިމާދު ޞާލިހު ވިދާޅުވެއްޖެއެވެ.
އެންޑީއޭ ރީ-ބްރޭންޑްކުރަން ނިންމާފައި ވަނީ އެންޓި-ޑްރަގް ޑޭ ފާހަގަކުރަން މި މަހު ބާއްވާ ރަސްމިއްޔާތުގަ އެވެ. އެ ރަސްމިއްޔާތުގައި
ރައީސް އިބްރާހީމް މުހައްމަދު ޞާލިހު ބައިވެރިވެވަޑައިގެންނެވުމަށް ވަނީ ހަމަޖެހިފައެވެ.
ރާއްޖޭގައި މަސްތުވާތަކެތި ބޭނުން ކުރާ މީހުންނަށް ފަރުވާދީ އެ މީހުން އަލުން މުޖުތަމަޢުއަށް ނެރުމުގައި އެންމެ އިސް ރޯލެއް އަދާ ކުރާ އެންޑީއޭއިން އެތަނުގެ ދަށުން އަތޮޅު ތެރޭގައި ސެންޓަރުތައް ހިންގައި، މަސްތުވާތަކެއްޗާ ދެކޮޅަށް ތަފާތު ޕްރޮގްރާމްތައް އަންނަނީ ހިންގަމުންނެވެ.
އެންޑީއޭގެ މަސައްކަތް މިހާރަށް ވުރެ ބޮޑަށް ފުޅާކޮށް، ހަރުދަނާކުރަން ޖެހޭ ކަމަށް ގިނަ ބަޔަކު ދެކެ އެވެ. ސަބަބަކީ މަސްތުވާތަކެތީގެ މައްސަލަލަތަކަކީ ރާއްޖޭގައި އޮތް އެންމެ ބޮޑު އިޖުތިމާއީ ވަބާއަށްވުމެވެ.
އެންޑީއޭ އަކީ ހެލްތު މިނިސްޓްރީގެ ދަށުން ހިންގާ ތަނެކެވެ.
