ބޮޑީބިލްޑިން އެސޯސިއޭޝަން އޮފް މޯލްޑިވްސް (ބީބީއޭއެމް) އިން ބޭއްވި މިސްޓަރ މޯލްޑިވްސް މިއަހަރުގެ މުބާރާތް ކާމިޔާބުކޮށް، ޖެހިޖެހިގެން ތިންވަނަ ފަހަރަށް މުޙައްމަދު ޔާމީން (ޔާމްބެ) ހޯދުމުގެ ޝަރަފް ލިބިގެންފިއެވެ.
އޭނާ ވަނީ، މިދިޔަ ދެ އަހަރުވެސް މި ޝަރަފު ހޯދިއެވެ. އޭނާ އެންމެ ފުރަތަަމަ ކާމިޔާބީ ހޯދާފައިވަނީ 2017 ވަނަ އަހަރު ބޭއްވި މުބާރާތުންނެވެ.
ސްޕޯޓްސް ފިޒީކް ކެޓެގަރީގެ ޗެމްޕިއަންކަން އަޒްނީން ރަޝާދު ހޯދާފައިވާއިރު، މިއީ މި ކެޓަގަރީގެ ޗެމްޕިއަންކަން އޭނާ ޖެހިޖެހިގެން ހޯދި ހަތަރުވަނަ ފަހަރެވެ.
އެތުލެޓިކް ފިޒީކް ކެޓެގަރީން 1 ވަނަ ހޯދާފައިވަނީ އަބްދުالله އަހުސަނެވެ. މިއީ އޭނާ މި ކެޓަގަރީ ކާމިޔާބުކުރި ދެވަނަ ފަހަރު ކަން ފާހަގަކުރަމެވެ.
މިއަހަރުގެ މުބާރާތުގައި ގިނަ ޒުވާން އެތުލީޓުން ބައިވެރިވިއެވެ.
ސައުތު އޭޝިއަން ބޮޑީބިލްޑިން އެންޑް ފިޒިކްސް މުބާރާތް ރާއްޖޭގައި ބާއްވަން މިހާރު އަންނަނީ ތައްޔާރުވަމުންނެވެ. އެ މުބާރާތް ބާއްވަން ހަމަޖެހިފައިވަނީ ޖުލައި 5 އިން 9 ގެ ނިޔަލަށް، މާލޭގައެވެ.
