ވަގެއްގެ ޙައްޤު މި ޤައުމުގައި މާ ބޮޑު ކަމަށް އެމްއާރްއެމްގެ ނައިބް ރައީސާ އާމިނަތު ނާދިރާ ވިދާޅުވެއްޖެއެވެ.
ނާދިރާ މިހެން ވިދާޅުވީ، ހުޅުމާލޭގައި ކޭޕާކް ރެސިޑެންސްގެ ނަމުގައި ތަރައްގީކޮށްފައިވާ އެޕާޓްމަންޓްތައް ވިއްކުމުގައި މަކަރާއި ހީލަތް ހަދާފައިވާކަމަށް ތުހުމަތުކުރެވޭ އެ ފްލެޓުތައް ތަރައްގީކުރަމުން އަންނަ ހަންބޯ ކުންފުނީގެ މައިނޯރިޓީ ހިއްސާދާރު ހަސަން މަމްދޫހު (މަންޑޭ) ގެ ޕާސްޕޯޓް ދޫކޮށްލުމަށް ކްރިމިނަލް ކޯޓުން އަމުރުކުރި ޚަބަރު ޢާންމުވުމާ ގުޅިގެންނެވެ.
ނާދިރާ ވިދާޅުވީ، "މުޅި ޢުމުރު ކުރި މަސައްކަތުގެ ފައިސާ ފުލެޓެއް ހޯދުމަށް، ކޭ ޕާރކް އަށް ދައްކާ އެތަން ލިބޭނެ ދުވަހެއް ނޭނގި އަނބި ދަރިންނާ އެއްކޮށް ނިދާ ނުލެވި ނިދިން މަޙްރޫވެފަ ތިބި އެތައް ޢާއިލާއެއްގެ ޙައްޤަށް ވުރެ ވަގެއްގެ ޙައްޤު މި ޤައުމުގައި މާ ބޮޑު."
https://twitter.com/a_nadraa/status/1676301706236411905?s=20
މަމްދޫހުގެ ޕާސްޕޯޓު ހިފަހެއްޓީ ހަންބޯ މޯލްޑިވްސްގެ ނަން ބޭނުންކޮށްގެން އޮޅުވާލައިގެން ކޭ-ޕާކުގެ އެޕާޓުމެންޓުތައް ވިއްކައި ލިބުނު ފައިސާއަށް އޭނާ ޚިޔާނާތްތެރިވެފައިވާކަމަށް އެ ކުންފުނީގެ ބޭރު ހިއްސާދާރު ތުހުމަތުކޮށް، މައްސަލަ ފުލުހަށް ހުށަހެޅުމާ ގުޅިގެން ކަމަށް މަޢުލޫމާތު ލިބެއެވެ.
މި މައްސަލައިގެ ތެރެއިން މަންޑޭއާއި އޭނާގެ ވިޔަފާރި ބައިވެރިޔަކު ކޭ-ޕާކުގެ އެޕާޓުމެންޓުތައް އެކަކަށްވުރެ ގިނަ މީހުންނަށް އޮޅުވާލައިގެން ވިއްކުމަށްފަހު ލިބުނު ފައިސާއަށް ޚިޔާނާތްތެރިވެފައިވާކަމުގެ ތުހުމަތު ފެންމަތިވެފައިވާއިރު، މި މައްސަލައާ ގުޅިގެން މަންޑާގެ އިތުރަށް މި މުއާމަލާތްތަކުގައި ބައިވެރިވި އިތުރު ދެ މީހެއްގެ ޕާސްޕޯޓު ހިފަހައްޓާފައިވާ ކަމަށް ޚަބަރު ލިބެއެވެ.
ކިޔުންތެރިންގެ ޚިޔާލުތައް:
އެތިބީޢިއްޒަތްތެރިމެމްބަރުންޤާނޫނުހަދައިގެނެއްނީންތަ