އަންނަ ސެޕްޓެމްބަރު މަހު ބާއްވާ ރިޔާސީ އިންތިހާބުގައި ވާދަކުރައްވާ އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ޞާލިހުގެ ރިޔާސީ ކެމްޕެއިން ހަރަކާތްތައް ރާއްޖޭގެ އެކި ސަރަހައްދުތަކުގައި ކުރިއަށް އެބަ ގެންދަވައެވެ.
އެމްޑީޕީން ވިދާޅުވީ، އެ ޕާޓީގެ ރިޔާސީ ކެންޑިޑޭޓް، ރައީސް ޞާލިހުގެ ކެމްޕެއިން ހަރަކާތްތަކުގައި، މާލޭ ސިޓީގައި ދޮރުން ދޮރަށް ހިނގުމުގެ ހަރަކާތެއް މިއަދު ކުރިއަށް ގެންގޮސްފައިވާ ކަމަށާއި، އެމްޑީޕީގެ މާލޭ ކެމްޕޭން ޓީމުން މިއަދު ދޮރުން ދޮރަށް ހިނގީ މާފަންނު މެދު ދާއިރާގައި ކަމަށާއި، އިސްކޮށް ޙަރަކާތްތެރިވެވަޑައިގެންނެވީ،ޑިފެންސް މިނިސްޓަރު މާރިޔާ އަހުމަދު ދީދީ ކަމަށެވެ.
ޑިފެންސް މިނިސްޓަރ އަދި މާލޭގެ ކޯޑިނޭޓަރ އަލްއުސްތާޛާ @MariyaDidi، މާލޭގެ މަޖިލިސް މެމްބަރުން، ދާއިރާ ރައީސުން އަދި ކެމްޕެއިން ޓީމުން މާފަންނު މެދު ދާއިރާގަ ދޮރުން ދޮރަށް ހިންގަވަނީ #Ibu2023 #MDP2023#UfaaveriAmaanRaajje pic.twitter.com/vFyqAwDG6A
— MDP Secretariat (@MDPSecretariat) July 7, 2023
ބޮޑު އީދުގެ ބަންދަށް ފަހު ރައީސް ސޯލިހު ރިޔާސީ އިންތިހާބުގެ ކެމްޕޭނަށް ރަސްމީކޮށް އަތޮޅުތަކަށް ދަތުރުތައް ފައްޓަވާނެ ކަމަށް މީގެކުރިން އެމްޑީޕީންއިން ވަނީ ހާމަކުރައްވާފައެވެ.
ރިޔާސީ އިންތިހާބު ބޭއްވުމަށް އިލެކްޝަންސް ކޮމިޝަނުން ނިންމަވާފައި ވަނީ އަންނަ ސެޕްޓެމްބަރު މަހުގެ 9 ގައެވެ. އަދި އިންތިހާބުގެ 2 ވަނަ ބުރެއް ބާއްވަން ޖެހޭނަމަ އެ ވޯޓުލުން ސެޕްޓެމްބަރު 30 ގައި ބޭއްވެވުމަށް ވެސް ވަނީ އިލެކްޝަންސް ކޮމިޝަނުން ނިންމަވާފައެވެ.
