ޤައުމީ މަޖިލީީހުގައި އެމްޑީޕީގެ މެނިފެސްޓޯއާ ބެހޭ ގޮތުން މިއަދު މަޝްވަރާކޮށްފިއެވެ.
މި ބައްދަލުވުމުގައި އެމްޑީޕީގެ އިސް ލީޑަރ އަދި ރައީސުލްކުމްހޫރިއއްޔާ އިބްރާހީމް މުޙައްމަދު ޞާލިޙާއި، ރައީސުލްޖުމްހޫރިއްޔާގެ ނައިބު ފައިސަލް ނަސީމާއި، ޗެއަރޕާސަން ފައްޔާޒް އިސްމާޢީލާއި، ފޮރިން މިނިސްޓަރ ޢަބުދުﷲ ޝާހިދު ބައިވެރިވެވަޑައިގެންނެވިއެވެ.
އަދި މިއަދު ކުރިއަށްދިޔަ އެމްޑީޕީގެ މެނިފެސްޓޯއާ ބެހޭ ބައްދަލުވުމުގައި އެމްޑީޕީގެ ޤައުމީ މަޖިލީީހުގެ ގިނަ މެންބަރުން ބައިވެރިވެވަޑައިގެންނެވިއެވެ.
މިދިޔަ ހަފުތާއިން ފެށިގެން އެމްޑީޕީގެ ރިޔާސީ ކެމްޕެއިންގެ ފޯރި ވަނީ ވަރަށް ބޮޑަށް ގަދަކޮށްފައެވެ. ދޮރުން ދޮރަށް ހިނގުމާއި، ރަށްރަށަށް ޒިޔާރަތްކުރުމާއި ޕޯސްޓަރ ހިއްޕުން ފަދަ ޙަރަކާތްތައް ވަރަށް ބާރަށް ކުރިއަށް ގެންދާކަން ފާހަގަކުރެވެއެވެ.
އެގޮތުން، ރިޔާސީ އިންތިޚާބުގެ ރ އަތޮޅުގެ ކެމްޕެއިން ކޯޑިނޭޓަރ އަދި ރައީސް އޮފީހުގެ ސްޕެޝަލް އެޑްވައިޒަރ އޮން ސޯޝަލް ޕޮލިސީ ޑރ. މުސްޠަފާ ލުޠުފީ އަދި ކެމްޕެއިން ޓީމް އުނގޫފަރުގައި، އިއްޔެވަނީ ދޮރުންދޮރަށް ހިންގަވާފައެވެ.
ޕާޓީގެ ރިޔާސީ ކެންޑިޑޭޓް ރައީސް އިބްރާޙިމް މުޙައްމަދު ޞާލިޙްގެ ކެމްޕެއިން ޕޯސްޓަރ ހިއްޕުން ފުވައްމުލަކު ދޫނޑިގަން އަވަށުގައި ފޯރިއާއި އެކު އިއްޔެވަނީ ކުރިއަށް ގެންފަވާފައެވެ.
ޑިފެންސް މިނިސްޓަރ އަދި މާލޭގެ ކޯޑިނޭޓަރ އަލްއުސްތާޛާ މާރިޔާ އަޙްމަދު ދީދީ ވަނީ އިއްޔެ މާލޭގައި ދޮރުން ދޮރަށް ހިންގަވާފައެވެ. މި ޙަރާކާތުގައި މާލޭގެ މަޖިލިސް މެމްބަރުން، ދާއިރާ ރައީސުން އަދި ކެމްޕެއިން ޓީމުން މާފަންނު މެދު ދާއިރާގައި ދޮރުން ދޮރަށް ހިންގަވާފައިވެއެވެ.
އެމްޑީޕީގެ ގައުމީ މަޖިލީީހުގެ މެނިފެސްޓޯ ޑިސްކަޝަން ކުރިއަށްދަނީ #Ibu2023 #MDP2023 #UfaaveriAmaanRaajje pic.twitter.com/P18CVu6qOP
— MDP Secretariat (@MDPSecretariat) July 8, 2023
