މިހާތަނަށް ރިޔާސީ އިންތިހާބަކަށް ނިކުންނަ އެންމެ މެންބަޝިޕް ބޮޑު ކޯލިޝަނާއެކު، އެއްބުރުން އިންތިހާބު ކާމިޔާބުވާނޭ ކަމުގެ ޔަގީން ކަން އެބައޮތް ކަމުގައި ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
އެމްޑީޕީގެ ކެމްޕޭން މޯޓިވޭޝަނަލް ސެޝަންގައި ވާހަކަފުޅު ދައްކަވަމުން ރައީސް ވިދާޅުވީ މިއީ ރިޔާސީ އިންތިހާބަށް ނުކުންނަ މެމްބަޝިޕް އެންމެ ބޮޑު ކޯލިޝަން ކަމަށެވެ. ރައީސް އެގޮތަށް ވިދާޅުވީ އެމްޑީޕީ، އަދާލަތު ޕާޓީ އަދި މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) ހިމަނައިގެންނެވެ.
ރައީސް ސޯލިހު ވަނީ ފާއިތުވީ އަހަރުތަކުގެ އިންތިހާބުތަކުގައި ވާދަކުރެއްވި ޕާޓީތަކުގެ މެންބަރުންގެ އަދަދާއި އިންތިހާބުން ލިބުނު ވޯޓުގެ އަދަދު އަޅާ ކިޔުއްވައިފައެވެ.
ތަފާސްހިސާބުތަކަށް އަލިއަޅުއްވައިލައްވަމުން ރައީސް ވިދާޅުވީ 2013ގައި ޔާމީން ވެރިކަމަށް ވަޑައިގެންނެވިއިރުގައި ޕީޕީއެމްގެ މެންބަޝިޕްއަކީ 40،000 ކޮންމެވެސް ވަރެއް. 98،000 ވޯޓު ހޯއްދެވި ފުރަތަމަ ބުރުގައި.
– ރައީސް ވިދާޅުވި އެވެ.
ރައީސް ވިދާޅުވީ އެމްޑީޕީން މި އަހަރުގެ ރިޔާސީ އިންތިހާބަށް ނުކުންނަނީ މިހާތަނަށް އިންތިހާބެއްގައި ވާދަކުރާ އެންމެ މެންބަޝިޕް ބޮޑު ކޯލިޝަނާއެކުގައި ކަމަށެވެ. މިއީ މިހާތަނަށް ރާއްޖޭގައި ނުކުންނަ މެމްބަޝިޕް އެންމެ ބޮޑު ކޯލިޝަން ކަމަށާއި، އެމްޑީޕީ އާއި އެމްޑީއޭ އާއި އަދާލަތު އެއްކޮށްލީމަ 77،700 މެމްބަރުން އެބަތިބި ކަމަށް ރައީސް ވިދާޅުވިއެވެ.
އަންނަ ސެޕްޓެމްބަރު މަހުގެ 9 ވަނަ ދުވަހު އޮންނަ ރިޔާސީ އިންތިހާބަށް އެމްޑީޕީ އާ އެކުގައި އަދާލަތު ޕާޓީ އާއި އެމްޑީއޭ ވަނީ ކޯލިޝަން ހަދައިފައެވެ. އެމްޑީއޭގެ ލީޑަރު އަހުމަދު ސިޔާމް، ރިޔާސީ އިންތިހާބުގައި ވާދަކުރައްވަން ނިންމެވި ނަމަވެސް އޭނާ ވަނީ އެ ނިންމުން އަނބުރާ ގެންދަވައިފައެވެ.
ރައީސް ޞާލިހު އެއްބުރުން އިންތިޚާބު ކާމިޔާބު ކުރައްވަން ނިކުންނަވާއިރު، އެމަނިކުފާނު ވެރިކަމަށް ގެނައި ރައީސް ނަޝީދާއި، ޤާސިމް އިބްރާހިމާއި، ރައީސް މައުމޫނާއި، ކާނަލް ނާޒިމް މަސައްކަތް ކުރައްވަނީ އެމަނިކުފާނު ބަލި ކުރުމަށެވެ.
