މާލެ ހުޅުމާލެ ގުޅާލާފައިވާ ސިނަމާލެ ބުރިޖާއި ހުޅުލޭ ހައިވޭ ގުޅޭ ހިސާބުން ބްރިޖަށް އުދައަރާތީ ދަތުރުކުރާއިރު ޚާއްޞަ ސަމާލުކަމެއް ދިނުމަށް ފުލުހުން އިލްތިމާސްކޮށްފިއެވެ.
ފުލުހުން ބުނެފައިވަނީ ސިނަމާލެ ބްރިޖާއި ހައިވޭ ގުޅޭ ހިސާބުން އެއާޕޯޓު ޓްރެފިކް ލައިޓް ކައިރިއަށް އުދަޔާއެކު ގަލާއި ވެލި އަރަމުންދާތީ، ދަތުރު ކުރާ ފަރާތްތަކުން ސަމާލުވުން މުހިއްމު ކަމަށެވެ.
ދިޔަވަރު ބޮޑުވާ ވަގުތުތަކުގައި ބައެއް ރަށްތަކަށް އުދައިގެ އަސަރު ކުރުމަކީ އެކަށީގެންވާ ކަމެއް ކަމަށް މޫސުމާބެހޭ ޤައުމީ އިދާރާއިން މިއަދު ހާމަކޮށްފައިވެއެވެ. ހަމައެހެންމެ، މިއަދު ހަވީރު 6:00 އާ ހަމައަށް ކަނޑުގައި އުފެދޭ ރާޅު ބާނި ހުންނާނީ ދެ ފޫޓާއި ހަތަރު ފޫޓާ ދެމެދުގެ އުސްމިނެއްގައި ކަމަށް ވެސް އެ އިދާރާއިން ވަނީ ލަފާކޮށްފައެވެ.
އުދައަރާ ދުވަސް ވަރު ސިނަ،މާލެ ބުރިޖު ސަރަހައްދަށް، ޚާއްސަކޮށް ބުރިޖުގެ ދެކޮޅަށް އާންމުކޮށް އުދައަރައި ރާޅުގެ އަސަރު ފޯރާކަން ފާހަގަ ކުރެއެއެވެ.
