ރައީސް ޞާލިޙް އިންތިޚާބު ކުރާނީ އެއްބުރުންކަމަށާއި، ޑޮލަރުން ތަޅާ ބަލިކޮށްގެންވެސް ރައީސް ޞާލިހު އިންތިޚާބު ކުރާނެކަމަށް ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު ޖާބިރު ވިދާޅުވެއްޖެއެވެ.
ރައީސް ޞާލިހުގެ ތަސައްވަރަކީ އަމާން ސުލްހަވެރިކަމާއިއެކު ރައްޔިތުންގެ ފުދުންތެރިކަން އިތުރު ކުރުން ކަމަށާއި، ރާއްޖޭގެ އިޤްތިޞާދު އިތުރު ކުރުމަށް ރައީސް ގެންގުޅުއްވާ ތަސައްވަރަކީ ވަރަށް ބޮޑަށް ތާއީދު ކުރެވޭ ތަސައްވަރެއް ކަމަށާއި އެމްޑީޕީއާއި ގުޅުނު އެންމެ ބޮޑު ސަބަބަކީ ރައީސް ޞާލިހު ވެރިކަމަށް އިންތިޚާބު ކޮށް ދެއްވުންކަމަށް ވަނީ ޖާބިރު ވިދާޅުވެފައެވެ.
ޖާބިރު ވިދާޅުވީ،
"އަޅުގަނޑުމެން ރައީސް ޞާލިހު އިންތިޚާބު ކުރާނީ އެއްބުރުން. އަޅުގަނޑު ވަރަށް ސާފުކޮށް މިދަންނަވަނީ ޑޮލަރުން ތަޅާ ބަލިކޮށްގެންވެސް ރައީސް ޞާލިހު އިންތިޚާބު ކުރާނަމޭ".
ރައީސް ޞާލިޙްއަށް ރިޔާސީ އިންތިޚާބު ކާމިޔާބުކޮށްދެއްވުމަށް ކުރަންޖެހޭ ކޮންމެ ކަމެއްވެސް ކޮށްދެއްވާނެކަމަށް ވިދާޅުވަމުން، ރާއްޖެއަށް ރައީސް ޞާލިހުގެ ވެރިކަމުގައި އައިސްފައިވާ ތަރައްޤީއަށް ތައުރީފް ތައުރީފް ކުރައްވައި، ކޯލިޝަން ޕާޓްނަރު ސަން ޓްރެވަލް ސިޔާމް ރައީސް ޞާލިހް އާއިއެކު އިންނެވުމަކީ މިއިންތިޚާބު ކާމިޔާބު ކުރުމަށް ލިބިގެންދާ އިތުރު ފަސޭހައެއް ކަމަށް ޖާބިރު ވިދާޅުވިއެވެ.
ރައީސްގެ މިދަތުރުފުޅުގައި މާލެ އަތޮޅުގެ އެހެން ރައްތަކަށްވެސް ދަތުރުފުޅު ކުރައްވާ ގޮތަށް ވަނީ ހަމަޖެހިފައެވެ.
ކިޔުންތެރިންގެ ޚިޔާލުތައް:
މިކަހަލަ ގޮތެއް ފޮތެއް ނެތް މީހުންނަށް ގޮނޑިވިއްކުމާއި، އެފަދަމީހުނަށް ސަމާލުކަން ދިނުމާއި އެފަދަ މީހުންގެ މައްސަލަތައް ނުބަލާ ޖޯކަކަށް ހެދުންފަދަ ހުތުރު ގޮތްތައް ދޫކޮށްގެން މެނުވީ އަބުރުވެރި ތަހުޒީބު މުޖުތަމައުއެއް ބިނާއެއް ނުކުރެވޭނެ.