ޖުމްހޫރީ ޕާޓީގެ ލީޑަރ ޤާސިމް އިބްރާހިމްގެ ވިލާ ކުންފުނިން ކ. ވާވެއްދިފަޅު ވިއްކުން ހުއްޓުވަން އެންޓި ކޮރަޕްޝަން ކޮމިޝަން (އޭސީސީ) އިން އެންގި އަމުުރު ބާތިލު ކޮށްފިއެވެ.
އެ ކޮމިޝަނަށް ހުށަހަޅާފައިވާ މައްސަލައަކާ ގުޅިގެން، އޭސީސީން ވާވެއްދިފަޅު ވިއްކުން ހުއްޓުވިއެވެ.
އޭސީސީން އިއްޔެ ހާމަކުރެއްވީ، ވާވެއްދި ފަޅު ވިއްކުން ހުއްޓުވުމަށް އެ ކޮމިޝަނުން އެންގި އެންގުން ނިމުމަކަށް ގެނެސްފައިވާ ކަމަށާއި، އެގޮތަށް ނިންމީ އެ ނިންމުމާއެކު ކުރިއަށްދާން ޖެހޭ ކަމަށް ކޮމިޝަނަށް ނުފެންނާތީ ކަމަށް ވެސް ވިދާޅުވިއެވެ.
ޓޫރިޒަމް މިނިސްޓްރީން ވިލާއަށް ވާވެއްދިފަޅު ކުއްޔަށް ދީފައިވަނިކޮށް، ރައީސް ޔާމީންގެ ވެރިކަމުގައި، 2015 ވަނަ އަހަރު އެއްބަސްވުން ބާތިލުކޮށް މިނިސްޓްރީން އެ ރަށް އަނބުރާ ސަރުކާރަށް ނެގިއެވެ. މިނިސްޓްރީން އެ ރަށް އަތުލީ އެއްބަސްވުމާ އެއްގޮތަށް މަސައްކަތް ކުރިއަށް ނުދާ ކަމަށް ވިދާޅުވެއެވެ.
ޤާސިމުގެ ވިލާ ކުންފުނީގެ ފަރާތުން އެ މައްސަލަ ކޯޓަށް ހުށަހެޅުމުން، ސުޕްރީމް ކޯޓުން ވަނީ ޓޫރިޒަމް މިނިސްޓްރީން އެއްބަސްވުން ބާތިލުކޮށްފައިވަނީ ޤާނޫނާ ޚިލާފަށް ކަމަށް ޙުކުމްވެސް ކޮށްފައެވެ.
