މޯލްޑިވިއަނުން ނ. މަފަރާއި ޅ. މަޑިވަރަށް ކުރާ ދަތުރުތައް އިތުރުކުރުމަށް ނިންމަވައިފިއެވެ.
އައިލެންޑް އޭވިއޭޝަނުން ވިދާޅުވި ގޮތުގައި މިމަހުގެ 20 ވަނަ ދުވަހުން ފެށިގެން މަޑިވަރާއި މާފަރަށް ކުރާ ދަތުރުތައް އިތުރުކުރާނެކަމަށާއި، ދަތުރުތައް އިތުރުކުރަނީ މި މަންޒިލްތަކަށް އޮތް ޑިމާންޑް ބޮޑުވުމުންކަމަށެވެ.
މި އެއާޕޯޓްތަކަަށް ކުރާ ދަތުރުތަކަށް މިމަހުގެ 20 ވަނަ ދުވަހުން ފެށިގެން އިތުރުކުރާއިރު، މާލެއިން ސީދާ މާފަރަށް އަދި މާފަރުން މާލެއަށް އާދެވޭގޮތަށް ޑައިރެކްޓްކޮށް ކޮންމެ ދުވަހަކުވެސް ދަތުރުކުރާނެ ކަމަށާއި، އަދި މާލެއިން މަޑިވަރަށް، އަދި މަޑިވަރުން މާފަރަށްގޮސް މާލެ އާދެވޭގޮތަށްވެސް ދަތުރުތަކެއް ބާއްވާނެ ކަމަށް މަޢުލޫމާތު ދެއްވައެވެ. މިހާރު އެ އެއަރލައިނުން އެ އެއާޕޯޓްތަކަށް ކުރަނީ ދުވާލަކު 1 ދަތުރުކަން ފާހަގަކުރެވެއެވެ.
މޯލްޑިވިއަނުން އަބަދުވެސް ޑިމާންޑަށް ބެލުމަށްފަހު، ދަތުރުތައް އިތުރުކުރަމުންދާއިރު ޢީދާއި އަދި ޗުއްޓީ ބަންދާއި ދިމާކޮށްވެސް މޯލްޑިވިއަނުން ވަނީ ޑޮމެސްޓިކް އަދި އިންޓަރނޭޝަނަލް ދަތުރުތައް އިތުރުކޮށްފައެވެ.
