މުލަކަތޮޅު ކޮޅުފުށީ މޫދުގައި ކުޑަކުއްޖަކު މަރުވެފައި އޮއްވާ ފެނިއްޖެ ކަމަށް ފުލުހުން ކަށަވަރުކޮށްދީފިއެވެ.
މަރުވެފައިވަނީ އެއް އަހަރުގެ ފިރިހެން ކުއްޖެއްކަމަށާއި، އެ ކުއްޖާ ސިއްހީ މަރުކަޒަށް ގެންދިޔައިރުވެސް މަރުވެފައިވާ ކަމަށާއި އެ މައްސަލައިގެ ރިޕޯޓު ލިބިފައިވަނީ މިއަދު ހެނދުނު 11:38 ހާއިރު ކަމަށް ވެސް ފުލުހުން ބުނެއެވެ.
ފުލުހުން ބުނީ، އެ ކުއްޖާ މަރުވެފައި އޮއްވާ ފެނުނީ ގެއްލިގެން ހޯދަމުންދަނިކޮށް ކަމަށެވެ.
މި ހާދިސާއާ ގުޅިގެން ބަލަން ޖެހޭ ކަންކަން ފުލުހުން މިހާރު ބަލަމުންދާ ކަމަށް މަޢުލޫމާތު ލިބެއެވެ.
