ރައީސް ޔާމީންގެ އިސްތިޢުނާފު މައްސަލަ ގަސްތުގައި ލަސްކޮށް، އެމަނިކުފާނުގެ އިންތިޚާބީ ޙައްޤަށް އަރައިގަންނަމުންދާތީ، މިހާރު މިތިބީ ހައިކޯޓުގައި ކަމަށް ނައިފަރު ދާއިރާގެ މެންބަރުން އަޙްމަދު ސިޔާމް ވިދާޅުވެއްޖެއެވެ.
ޕީޕީއެމްގައި ވަރަށް ހަރަކާތްތެރިކޮށް އުޅުއްވާ، ސިޔާމް ވިދާޅުވީ، ރައީސް ޔާމީންގެ މައްސަލަ ބައްލަވާ ފަނޑިޔާރުން ސަރުކާރުން ބޭނުންވާ ދުވަސްތަކުގައި ބަލިވެ ބޭރަށް ފުރަންޖެހި ރައީސް ޔާމީންގެ އިސްތިޢުނާފު މައްސަލަ ގަސްތުގައި ލަސްކޮށް އެމަނިކުފާނުގެ އިންތިޚާބީ ޙައްޤަށް އަރައިގަންނަމުންދާ ކަމަށެވެ.
"އަޅުގަނޑުމެން މިތިބީ ހައިކޯޓުގައި. ރައީސް ޔާމީންގެ މައްސަލަ ބައްލަވާ ފަނޑިޔާރުން ސަރުކާރުން ބޭނުންވާ ދުވަސްތަކުގައި ބަލިވެ ބޭރަށް ފުރަންޖެހި ރައީސް ޔާމީންގެ އިސްތިޢުނާފު މައްސަލަ ގަސްތުގައި ލަސްކޮށް އެމަނިކުފާނުގެ އިންތިޚާބީ ހައްޤަށް އަރައިގަންނަމުންދާތީ"
ސިޔާމް ވިދާޅުވިއެވެ.
އަދި ކޯޓުތަކުގެ ކަރާމާތާ ޙުރުމަތަކީ ވަކި ބަޔަކު ހިފަހައްޓަން ޖެހޭ އެއްޗެއް ކަމަކަށް ނޯންނާކަމަށާއި، ފަނޑިޔާރުން ނިޒާމަށް ނުކުރާ އިޙްތިރާމެއް ރައްޔިތުން ކުރާނެކަމަށް ދެކިގެންނުވާނެ ކަމަށްވެސް ސިޔާމް ވިދާޅުވިއެވެ.
ސިޔާމް އިތުރަށް ވިދާޅުވީ، 1 ލައްކައަށްވުރެ ގިނަ ރައްޔިތުންގެ ޙައްޤު ނިގުޅައިގަންނަން ސަރުކާރުން ކުރާ ކަންކަމުގައި ފަނޑިޔާރުންނަށް އިނގިލި އަމާޒު ނުވާނެ ގޮތަށް ފަނޑިޔާރުންގެ އަމަލުތައް ބަހައްޓަވަން ޖެހޭނެކަށެވެ.
މައިންބަފައިންނާއި އަނބިދަރިން ނިވާފަތްގަނޑަކަށް ހެއްދެވުމަކީ އެތައް ހާސް ބައެއްގެ ނުރުހުންތެރިކަން އަމާޒުވާނެ އަދި އެހާމެ ޒިންމާދާރުކަން ކުޑަ އަމަލެކަމަށް ވިދާޅު، މިކަމުގައި ދާންޖެހުނު ކޮންމެ ތަނަކަށް ދާނެކަމަށާއި އަދި ކުރަންޖެހުނު ކޮންމެކަމެއް ކުރާނެ ކަމުގައި ސިޔާމް ވިދާޅުވިއެވެ.
އަޅުގަނޑުމެން މިތިބީ ހައިކޯޓުގައި. ރައީސް ޔާމީންގެ މައްސަލަ ބައްލަވާ ފަނޑިޔާރުން ސަރުކާރުން ބޭނުންވާ ދުވަސްތަކުގައި ބަލިވެ ބޭރަށް ފުރަންޖެހި ރައީސް ޔާމީންގެ އިސްތިޢުނާފު މައްސަލަ ގަސްތުގައި ލަސްކޮށް އެމަނިކުފާނުގެ އިންތިޚާބީ ހައްޤަށް އަރައިގަންނަމުންދާތީ . ކޯޓުތަކުގެ ކަރާމާތާ…
— Ahmed Shiyam (@Shiyamaldives) July 18, 2023
ޔާމީންގެ މައްޗަށް ވ. އާރަށު މައްސަލާގައި 11 އަހަރުގެ ޖަލު ހުކުމެއް އޮތްއިރު، ޖިނާއީ ކުށެއް ސާބިތުވެފައި އޮތުމަކީ ރައީސުލްޖުމްހޫރިއްޔާ ކަމަށް ކުރިމަތިލުމުގެ ޝަރުތު ގެއްލޭ ކަމެކެވެ.
އެ މައްސަލައިގެ އިސްތިއުނާފު ހައި ކޯޓުގައި ފަށާފައިވީ ނަމަވެސް، މައްސަލަ ބައްލަވާ ބެންޗުގެ ފަނޑިޔާރަކު ޗުއްޓީއަށް ވަޑައިގެންފައިވާތީ ޝަރީއަތް ވަނީ ހުއްޓުމަކަށް އައިސްފައެވެ. އެހެންކަމުން، ރިޔާސީ އިންތިހާބަށް ކުރިމަތިލުމުގެ ވަގުތު އަންނަ މަހުގެ 7 ވަނަ ދުވަހުގެ ކުރިން އިސްތިއުނާފް ނިމޭނެ ކަމަކަށް ނުބެލެވެއެވެ. އެހެންވެއްޖެ ނަމަ ޔާމީނަށް އިންތިހާބުން ފުރުސަތު ގެއްލިގެންދާނެއެވެ.
ރިޔާސީ އިންތިހާބަށް ކުރިމަތިލާން އިލެކްޝަންސް ކޮމިޝަނުން ހުޅުވާލާނީ އަންނަ އާދިއްތަ ދުވަހުއެވެ.
ކިޔުންތެރިންގެ ޚިޔާލުތައް:
ހޫ ދެން ތިބެގަ ތިބެ ތިބެފަ ދަގަ!
ދެންގެަށްގޮސް ބުނޭ އަނބިމީހަ ކައިރީ ފެންތަށްޓެއް ދޭށޭ!
މަމިއައީހައިކޯޓުން ސޯޓްބޭލިގެނޭ ހެހެހެހެ