ވެރިކަން ކުރާ މައި ޕާޓީ އެމްޑީޕީގެ ޗެއާޕާސަނަކީ މެމްބަރުންނާއި ޒާތީވެ، ދޮގު ފަތުރާމީހަކަށް ވެގެން ނުވާނެ ކަމަށް އެޕާޓީގެ ކުރީގެ ޗެއާޕާސަން މޫސާ މަނިކު ވިދާޅުވެއްޖެއެވެ.
ރީކޯ އެގޮތަށް ވިދާޅުވީ މި އަހަރުގެ ރިޔާސީ އިންތިހާބުގައި ރައީސް އިބްރާހިމް މުހައްމަދު ސޯލިހްގެ ރަނިން މޭޓަކަށްވުމުގެ ޝައުގުވެރިކަން ނެތް ކަމަށް ފައްޔާޒް ހާމަ ކުރައްވައި އެފަދަ ވާހަކަތަކަކީ ރީކޯ ދައްކަވާ ވާހަކަތަކެއް ކަމަށް ފައްޔާޒް ވިދާޅުވުމާ ގުޅިގެންނެވެ.
މޫސަ ވިދާޅުވީ އެމްޑީޕީގެ ޗެއާޕާސަން ވާންޖެހޭނީ މެމްބަރުންނައި ޒާތީނުވެ ޕާޓީގެ މަސްލަހަތު ހިފަހައްޓަން ޖެހޭ އެންމެ މުހިންމު މީހާކަމަށެވެ. ރީކޯ ވިދާޅުވީ އެމްޑީޕީގެ ޗެއާ ޕާސަންއަކަށް ހުންނަވަން ވާނީ އާންމު މެމްބަރުންނާއި ޒާތީ ނުވެ ޕާޓީގެ މެމްބަރުންނާއެކު އުޅެވޭނެ މީހެއް ކަމަށެވެ.
އެމްޑީޕީގެ ޗެއާޕާސަނަކަށް ހުންނަވަން ވާނީ ޢާންމު މެމްބަރުންނާއި ޒާތީ ނުވެ ޕާޓީގެ މެމްބަރުންނާއިއެކު އުޅެވޭނެ މީހެއް. ނޫސްވެރިންގެ އާޓިކަލް ތަކުގެ ސަބަބުން އާންމު ތަންތަނުގަ އަޅުގަނޑާއި ދިމާކުރުމަކީ ފައްޔާވެސް ކޮށްގެންވާނެ ކަމެއްނޫން. ކަނޑައެޅިގެން ދޮގުވާހަކަ ނުފަތުރުއްވާ.
– ރީކޯ މޫސަ ވިދާޅުވިއެވެ.
މ. އަތޮޅާއި ވ. އަތޮޅަށް ކުރެއްވި ކެމްޕެއިން ދަތުރުފުޅު ނިންމަވާލައްވައި ވ. ފުލިދޫގައި ނޫސްވެރިންނާ ވާހަކަފުޅު ދައްކަވަމުން ރައީސް ވިދާޅުވެފައިވަނީ ރަނިންމޭޓުގެ ކަންތައްތަކުގައި އެމްޑީޕީގެ އިސް ބޭފުޅުންނާ ވަކިވަކިން ބައްދަލު ކުރައްވަމުން ގެންދަވާ ކަމަށެވެ. އަދި "ކޮންމެ ދުވަހަކު، ކޮންމެ ރެއަކު" ކަހަލަ ގޮތަކަށް އެބޭފުޅުންގެ ވިސްނުން ހޯއްދަވަމުންދާ ކަމަށް ވެސް އެމަނިކުފާނު ވިދާޅުވިއެވެ.
އަންނަ ސެޕްޓެމްބަރު 9 ވަނަ ދުވަހު އޮންނަ ރިޔާސީ އިންތިހާބުގައި އެމްޑީޕީން އަދާލަތު ޕާޓީ އާއި އެމްޑީއޭއާ އެކުގައި ކޯލިޝަން ހަދާފައިވާ އިރު، އެ ކޯލިޝަނުގެ ތެރެއިން ރަނިންމޭޓެއް ކަނޑައެޅުމުގެ ފުރުސަތު އޮތްތޯ ނޫސްވެރިއަކު ސުވާލު ކުރުމުން ރައީސް ވިދާޅުވީ އެއީ ވެސް އޮތް ފުރުސަތެއް ކަމަށެވެ.
ކިޔުންތެރިންގެ ޚިޔާލުތައް:
ފައްޔާޒުތީ ކަމުދާމީހެެްނޫން ފައްޔާޒަކީ އެމްޑީޕީގެ ހަލާކު
ފައްޔާޒުރަނގަޅެއްނޫންޕާޓީއަށްގިނަދުވަހުމަސައްކަތްކުރިމީހުންބާކީކޮއްފިބައްދަލުކުރަންއެދޭމީހާއަށް8މަސްވާއިރުފައިންޕުޅެއްނުފެނޭ