މޫސުން ގޯސްވެ، މެދު ރާއްޖެ ތެރޭގެ އަތޮޅުތަކަށް މޫސުމާއި ބެހޭ ޤައުމީ އިދާރާ (މެޓް) އިން ރީނދޫ ސަމާލު (ޔެލޯ އެލާޓް) ނެރެފިއެވެ.
މެޓް އޮފީހުން ރީނދޫ ސަމާލު ނެރެފައިވަނީ ކ. އަތޮޅުން ފެށިގެން މ. އަތޮޅާއި ހަމައަށް ހެނދުނު 10:10 އިން ފެށިގެން މެންދުރު 14:00 އާއި ހަމައަށް ކަން މަޢުލޫމާތު ދެއްވައެވެ.
އެއިދާރާއިން ހާމަކުރައްވާ ގޮތުގައި، މިވަގުތުތަކުގައި ބޯކޮށް ވާރޭވެހުމާއެކު ގުގުރުން އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާ ކުރެވެއެވެ،
މޫސުން ގޯސްވެ، މެދު ރާއްޖެ ތެރެއަށް ރީނދޫ ސަމާލު ނެރެފައިވާއިރު، ބައެއް ރަށްތަކަށް ބޯކޮށް ވާރޭ ވެހި ވަނީ ފެންބޮޑުވުމުގެ ހާދިސާތައްވެސް ދަނީ ހިނގަމުންނެވެ.
މިއަދު މާލޭގެ މަގުތަކުގައިވެސް ފެންބޮޑުވެ ދުއްވާ އެއްޗެހި ދުއްވުމަށް ދަތިތަކާ ކުރިމަތިލާންޖެހިފައިވެއެވެ.
