އަންނަ ރިޔާސީ އިންތިޚާބުގައި އެމްއާރުއެމްގެ ފަރާތުން ކުރީގެ ރައީސް, އަދި އެ ޕާޓީގެ ޒަޢީމް އަލްއުސްތާޒް މައުމޫން އަބްދުލްޤައްޔޫމް ވާދަ ކުރައްވާ ކަމަށް ދެކެވޭ ވާހަކަތައް ދޮގުކޮށްފިއެވެ.
ރިޔާސީ އިންތިޚާބުގައި ރައީސް މައުމޫން ވާދަ ކުރައްވާ ކަމަށް މިއަދު މީސްމީޑިއާގައި އަޑުތައް ފެތުރިގެން ދިޔައެވެ.
މި ޚަބަރާ ގުޅިގެން، "ފިޔަ އޮންލައިން" އިން ސުވާލު ކުރުމުން އެ ޕާޓީގެ އޮފިޝަލަކު ވިދާޅުވީ، ރައީސް މައުމޫން މި އިންތިޚާބުގައި ވާދަނުކުރައްވާނެ ކަމަށެވެ.
އިންތިޚާބުގައި އެ ޕާޓީގެ ރައީސް, މައުމޫންގެ ދަރިކަލުން ފާރިޝް މައުމޫން ވާދަ ކުރައްވާ ކަމުގެ އަޑުވެސް ވަނީ ފެތުރިފައެވެ.
ރިޔާސީ އިންތިޚާބު އޮންނާނީ އަންނަ ސެޕްޓެންބަރު މަހުގެ 9ގައެވެ. އިންތިޚާބުގައި ވާދަކުރައްވާކަން މިިހާތަނަށް ހާމަކޮށްފައިވަނީ, އެމްޑީޕީ, ޕީޕީއެމް, އެމްއެންޕީ އަދި ޑިމޮކްރެޓްސްއިންނެވެ.
