އަސް ދުައްވުމަށް ޝައުޤުވެރިކަން ހުންނަ އިރާޤުގެ ކުއްޖެއްކަމަށްވާ ލާނިޔާ ފަޚެރް، އޭނާގެ އަސް ގެއްލިގެން ރޮމުން ދިޔަ މަންޒަރު ސޯޝަލް މީޑިޔާގައި އާންމުވެ، އެތައް ބަޔެއްގެ ހަމްދަރުދީ އޮހެމުންދަނިކޮށް، ޔުނައިޓެޑް އަރަބި އެމިރޭޓްސްގެ ބޮޑުވަޒީރު އަދި އެ ޤައުމުގެ ނައިބު ރައީސް ޝެއިޚް މުޙައްމަދު ބިން ރާޝިދު އަލް މަޚްތޫމް، ރޫފަ ރަނގަޅު އަހެއް އޭނާއަށް ހަދިޔާކޮށްފިއެވެ.
އަސަރުން ފުރިފައިވާ އެ ވީޑިޔޯ ބެއްލެވުމަށްފަހު ވަރަށް ބޮޑު އަސަރެއް ޝެއިޚް މުޙައްމަދުގެ ހިތްޕުޅަށް ކުރިއެވެ. އަދި އެކުއްޖާއާ ދޭތެރޭ ޙަމްދަރްދީވެ ވަގުތުން، އަހެއް ދިނުމަށް އެ ނިންމި ނިންމުމަކީ އެމަނިކުފާނުގެ ހިތްޕުޅުގައި ކުޑަކުދިންނަށް ދތެރޭ އޮތް ޤަދާރާއި ލޯތްބާއި ކުލުނު ހާމަކޮށްދޭ ކަމެއްކަމުގައި ވަރަށް ގިނަ ބަޔަކު ބުނަމުން އެބަ ގެންދެއެވެ. އަދި ދިރޭ ތަކެއްޗަށް އޯގާތެރިވާ މިންވަރުވެސް މިކަމުން އަންގައިދެއެވެ.
ޝެއިޚް މުޙައްމަދު މިހާރު ވަޢުދުވެވަޑައިގެންފައިވަނީ، އަސް ދުއްވުމަށް ޝައުޤުވެރިކަން ހުންނަ ކުދިންނަށް އަސް ދުއްވަން ދަސްކޮށްދޭ ސެންޓަރެއް ހުޅުވުމަށެވެ.
އުމުުރުން 8 އަހަރުގެ ލާނިޔާއަކީ އިރާޤުގެ ކުރުދީން އުޅޭ ސަރަހައްދުގައި ދިރިއުޅެމުންދާ ކުއްޖެކެވެ. އޭނާ އަކީ އަސް ދުއްވުމަށް ކުޅަދާނަ އަދި އެކަމަށް ވަަރަށް ބޮޑަށް ޝައުޤުވެރިކަން ހުންނަ ކުއްޖެކެވެ. އަދި އެ ސަހަރުގައި އެންމެ މޮޅަށް އަސް ދުއްވަނީ އޭނާކަމަށް ރިޕޯޓްތަައް ބުނެއެވެ.
އޭނާ ގެންގުޅުނު އަސް މަރުވުމުން އޭނާގެ ހިތުގައި އެޅި ވޭނާއި ގިސްލާ ރުއި ރުއިމުން، އޭނާ މިކަމަށް ހުރި ޝައުޤުވެރިކަން ހާމަވެއެވެ. އަދި މި ވީޑިއޯ އާންމުވުމުން އެތައް ބައެއް ސަމާލުކަން ހުއްޓި، ސޯޝަލް މީޑިއާގައި އެކުއްޖާގެ އެ ކުޅަދާނަ ކަމަށް ތަޢުރީފްކޮށް ހަމްދަރުދީގެ މެސެޖްތައް ދައުރުކުރަމުން އެބަދެއެވެ،
ކިޔުންތެރިންގެ ޚިޔާލުތައް:
ޥީޑިއޯލީނަމަ މަމެންނަށްވެސް ފެނުނީސްތާ