16 ފެބުރުވަރީ 2025

ގައުމު ހަމަ މަގަށް އެޅުމުގެ ހައްލަކީ ސިޔާސަތުތަކެއް ބިނާކުރުން: ފާރިސް

އަދިވެސް ރާއްޖޭގައި އޮތީ ވަކި ވަކި ޝަހުސިއްޔަތުންގެ ވަށައިގެން އެންބުރޭ ސިޔާސަތެއްކަމަށާއި، ނަމަވެސް ގައުމު ހަމަ މަގަށް އެޅުމުގެ ހައްލަކީ ސިޔާސަތުތަކެއް ބިނާކުރުން ކަމުގައި ވިދާޅުވެއްޖެއެވެ.

އެ ސިޔާސަތުތައް ބިނާ ކުރުމަށް އެކި އެކި ޕާޓީތަކާއި އެކު މަސައްކަތް ކުރެވޭނެކަމަށް ވެސް ފާރިސް ވިދާޅުވިއެވެ.

މި ބައްދަލުވުން ނިންމާލުމަށްފަހު ނޫސްވެރިންނާއި ބައްދަލުކުރައްވާ އެމްއާރްއެމްގެ ރައީސް ފާރިސް މައުމޫން ވިދާޅުވީ ސަރުކާރު ކޯލިޝަނުގައި އެއްބަސްވެފައިވާނީ ދައުރު ނިމެންދެން އެމްއާރްއެމްއިން ހަދާފައިވާ އެއްބަސްވުން ދެމަހައްޓާނެކަމަށެވެ. ނަމަވެސް ގައުމުގެ މުސްތަގުބަލް ހަރުދަނާކުރުމަށް ކުރިއަށް އޮތް ތަނުގައި ގައުމުގެ ކަންކަން ބައްޓަން ކުރުމަށް ކުރެވެން ހުރި މަސައްކަތްތައް ކުރުމަށް އެމްއާރްއެމް އޮތީ ތައްޔާރަށްކަމަށް ވިދާޅުވިއެވެ.

އެހެން ޕާޓީއަކާއި އެކު ކުރިއަށް އޮތް ރިޔާސީ އިންތިޚާބަށް ކޯލިޝަން ހެދި ނަމަވެސް، މިދައުރުގައި އެމްޑީޕީއާއި އެކު ވެރިކަމަށް އައުމަށް ހެދި ކޯލިޝަން އެއްބަސްވުން ސަރުކާރުގައި ހިމެނޭ އެމްއާރްއެމްގެ މެމްބަރުން ދަމަހައްޓާނެކަމަށް ފާރިސް މައުމޫން ވިދާޅުވިއެވެ.

ރައީސް އިބްރާހިމް މުހައްމަދު ޞާލިހްގެ ސަރުކާރުން އެމްއާރްއެމް އެހެން ޕާޓީތަކާއި އެކު މަޝްވަރާކުރުމަށް ނުވަތަ ރިޔާސީ އިންތިޚާބުގައި އެޕާޓީއިން ވާދަކުރުމަށް އެއްވެސް ހުރަހެއް ނެތްކަމަށް ފާރިސް ވިދާޅުވިއެވެ.

މިފަހުން ޖުމްހޫރީ ޕާޓީން ވަނީ ޑިމޮކްރެޓްސް އަދި އެމްއެންޕީގެ ލީޑަރުންނާ ބައްދަލުކޮށް މަޝްވަރާ ކުރިއަށް ގެންގޮސްފައެވެ. އެ ބައްދަލުވުމުގައި ޖޭޕީގެ ލީޑަރު ޤާސިމް އިބްރާހިމް، ކުރީގެ ރައީސް މުހައްމަދު ނަޝީދު އަދި އެމްއެންޕީގެ ރައީސް މުހައްމަދު ނާޒިމް ބައިވެރިވެވަޑައިގެންފައިވެއެވެ.

އެ ބައްދަލުވުމުގައި އެ ތިން ޕާޓީން ވަނީ އެހެން ޕާޓީތަކަށް އެއްބަސްވެވޭނަމަ، އެއް ކެންޑިޑޭޓެއް ރިޔާސީ އިންތިހާބަށް ނެރުމަށް އެއްބަސްވެފައެވެ. އެ ދުވަހުގެ ބައްދަލުވުމަށްފަހު ޤާސިމް ވިދާޅުވި އެއް ކެންޑިޑޭޓެއް ނެރުމުގެ ކަންކަމުގައި ޕީޕީއެމް އަދި އެމްއާރްއެމްއާއެކު މަޝްވަރާ ކުރައްވާނެ ކަމަށެވެ.

ހިޔާލު ފާޅުކުރައްވާ!

ކިޔުންތެރިންގެ ޚިޔާލުތައް:

  1. 1500 ސޮއި ހަމަ ނުވާ މީހުން ދައްކާ ވާހަކަވެސް ނޫހުގައި ލިޔޭ ހެއްޔެވެ؟

ހިޔާލު ދެއްވާ!

Your email address will not be published. Required fields are marked *

ފަހުގެ

މަޤްބޫލު