ދިވެހިރާއްޖޭގެ މިނިވަން ދުވަހުގެ މުނާސަބަތުގައި ސައުދީ ރަސްގެފާނު ސަލްމާން ތަހްނިޔާ ވިދާޅުވެއްޖެއެވެ.
ރަސްގެފާނުގެ ތަހްނިޔާގެ މެސެޖުގައި، ދިވެހިރާއްޖޭގެ ރައްޔިތުންނަށް ކުރިއެރުމާއި ތަރައްޤީއާއި، ރައްޔިތުންނަށް ފުރިހަމަ ޞިއްޙަތާއި އުފާވެރިކަމަށް އެދިވަޑައިންނަވާ ކަން ފާހަގަކުރައްވާފައިވެއެވެ.
އަދި ދުވަހުގެ ތަހްނިޔާ ރާއްޖޭގެ ޢިއްޒަތްތެރި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްއަށާއި، ދިވެހިރާއްޖޭގެ ލޮބުވެތި ރައްޔިތުންނަށް ފޮނުއްވާފައިވެއެވެ.
މިއަދަކީ ލިބޭރިއާގެ މިނިވަންދުވަސް ކަމަށް ވުމާއެކު، އެ ޤައުމުގެ ވެރިންނާއި ރައްޔިތުންނަށް ތަހްނިޔާ ފޮނުއްވާފައިވެއެވެ.
ރާއްޖެއަށް މިނިވަންކަން ލިބުނީ، 1965 ވަނަ އަހަރުގެ ޖުލައި މަހުގެ 26 ވަނަ ދުވަހެވެ. އިނގިރޭސީންގެ ހިމާޔަތުގެ ދަށުން، ރާއްޖެއަށް ފުރިހަަމަ ސިޔާސީ މިނިވަންކަން ލިބިގެން ދިޔައީ އެދުވަހެއެވެ.
