ދިވެހިރާއްޖޭގެ މިނިވަންކަމަށް 58 އަހަރުފުރޭ، 59 ވަނަ މިނިވަންދުވަހުގެ މުނާޞަބަތުގައި މިއަދު ބޭއްވި، އަސްކަރީ ޙަރަކާތްތައް ހިމެނޭ ޕެރޭޑާއި ދިވެހިރާއްޖޭގެ ޤައުމީ ކެޑޭޓްކޯގެ ޕެރޭޑާއި ރޫޓް މާޗް މިއަދު މާލޭގެ މަގުތަކުގައި ބާއްވައިފިއެވެ.
ދިވެހިރާއްޖޭގެ މިނިވަންކަމަށް 58 އަހަރުފުރޭ، 59ވަނަ މިނިވަންދުވަހުގެ މުނާޞަބަތުގައި މިއަދު ބޭއްވި، އަސްކަރީ ޙަރަކާތްތައް ހިމެނޭ ޕެރޭޑާއި ދިވެހިރާއްޖޭގެ ޤައުމީ ކެޑޭޓްކޯގެ ޕެރޭޑާއި ރޫޓް މާޗް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި، އެމަނިކުފާނުގެ އަނބިކަނބަލުން ފަޒްނާ އަޙްމަދު ބައްލަވާލެއްވިއެވެ. މި ޙަރަކާތް ބާއްވާފައި ވަނީ މިއަދު ހަވީރު ޖުމްހޫރީމައިދާން ކުރިމަތީގައެވެ.
އަސްކަރީ ޕެރޭޑާއި ޕްރޮސެޝަން ބައްލަވާލެއްވުމަށް ރައީސުލްޖުމްހޫރިއްޔާގެ ދެކަނބަލުން، ޖުމްހޫރީ މައިދާން ކުރިމައްޗަށް ވަޑައިގެންނެވުމުން، އެދެކަނބަލުންނާ އިސްތިޤުބާލު ކުރެއްވީ، މިސްޓަރ އޮފް ޑިފެންސް އަލްއުސްތާޛާ މާރިޔާ އަޙްމަދު ދީދީ އާއި، ޗީފް އޮފް ޑިފެންސް ފޯސް ލެފްޓިނެންޓް ޖެނެރަލް ޢަބްދުﷲ ޝަމާލްއެވެ.
މި ޙަރަކާތުގައި ދިވެހި ސިފައިން ވަނީ ރައީސުލްޖުމްހޫރިއްޔާއަށް ރިޔާސީ ކުރުނީހެއް އަރުވާފައެވެ. އަދި، އެއަށްފަހު ދިވެހި ސިފައިންގެ ބޭންޑުން ޤައުމީ ސަލާމް ކުޅުނެވެ. މި ޙަރަކާތް ނިންމާލާފައިވަނީ އަސްކަރީ ޕެރޭޑާއި ޕްރޮސެޝަންއިންނެވެ.
އަސްކަރީ ޕެރޭޑާއި ޕްރޮސެޝަން ބައްލަވާލެއްވުމުގައި ރައީސުލްޖުމްހޫރިއްޔާގެ ދެކަނބަލުންގެ އަރިހުގައި، ރައީސުލްޖުމްހޫރިއްޔާގެ ނައިބު ފައިޞަލް ނަސީމާއި، ސަރުކާރުގެ އިސްވެރިން ބައިވެރިވެވަޑައިގަތެވެ. އަދި އާންމުންގެ ގިނަ ބަޔަކުވެސް ބައިވެރިވެރިވިއެވެ.
މާލޭގެ މަގުތަކުގައި މި ޙަރާކާތް ކުރިއަށް ދިޔައިރު، މިޙަރަކާތް ބަލާލުމަށް، އެކި ޢުމުރުފުރާތަކުގ ގިނަ ޢަދަދެއްގެ ޢާންމުންނާއި ކުޑަކުދިން މާލޭގެ މަގުތަކަށް ޖަމާވިއެވެ.
މިޙަރާކާތް ބައްލަވާލެއްވުމަށް:
މިނިވަން އުފާ 2023: ދިވެހިރާއްޖޭގެ ގައުމީ ކެޑޭޓްކޯގެ ޕެރޭޑާއި ރޫޓްމާޗް މިއަދު ހަވީރު ބާއްވައިފި#Minivanufaa2023 pic.twitter.com/myrgAe5QVj
— Fiya Online (@FiyaOnline) July 27, 2023
