މިނިވަން ދުވަހުގެ މުނާސަބާ ފާހަގަ ކުރުމުގެ ގޮތުން ދިރާގުން ހުޅުމާލޭގައި ޑްރޯން ޝޯއެއް ބާއްވަން ނިންމައިފިއެވެ.
އެކުންފުންޏާއި ހޯމް މިނިސްޓްރީން ގުޅިގެން ބާއްވާ ޑްރޯން ޝޯ އޮންނާނީ މިރޭ ހުޅުމާލޭ ސެންޓްރަލް ޕާކު ސަރަހައްދުގައި ކަމަށާއި، ވީހާވެސް ގިނަ ބަޔަކު އެ ޝޯ ބަލާލުމަށް ސެންޓްރަލް ޕާކު ސަރަހައްދަށް ދިއުމަށް އެދޭކަމަށް އެ ކުންފުނިން ވިދާޅުވިއެވެ.
މިއީ މިހާތަނަށް ރާއްޖޭގައި ބޭއްވޭ މިފަދަ ފުރަތަމަ ޑްރޯން ޝޯ ކަމަށް މަޢުލޫމާތު ލިބެއެވެ.
ދިރާގުން ވަނީ މިނިވަން ދުވަހާ ގުޅުވައިގެން ހާއްސަ ޑޭޓާ ޕެކޭޖުތަކެއް ވެސް ހުޅުވާލާފައެވެ. މިމަހުގެ 31 ވަނަ ދުވަހުގެ ނިޔަލަށް ދިރާގުގެ ހުރިހާ މޮބައިލް ކަސްޓަމަރުންނަށް އެންމެ 99 ރުފިޔާއަށް "މިނިވަން އުފާ އެޑްއޮން" އެކްޓިވޭޓް ކޮށްލައިގެން 24 ގަޑިއިރަށް އަންލިމިޓެޑް މޮބައިލް ޑޭޓާ ލިބޭނެ އެވެ.
ދިވެހިރާއްޖޭގެ މިނިވަންކަމަށް 58 އަހަރު ފުރޭ 59 ވަނަ މިނިވަން ދުވަހުގެ މުނާސަބާ ފާހަގަކުރުމަށް، ހުޅުމާލޭގައި މިރޭ ހަވާ އެރުވުމަށްވެސް ވަނީ ހަމަޖެހިފައެވެ.
ހުޅުމާލޭގައި މިރޭ ހަވާ އަރުވާއިރު، އެސަރަހައްދުގައި މިނިވަންދުވަހުގެ ހަރަކާތްތަކުގެ ތެރޭގައި ހިމެނޭ ފުޅަނދުތައް އާންމުންނަށް ދައްކާލުމަށް ވެސް ވަނީ ހަމަޖެހިފައެވެ. އަދި މިނިވަން ކާނިވާ ފެށުމަށް ވެސް ވަނީ ނިންމާފައެވެ.
މިނިވަން ދުވަހުގެ މުނާސަބަތުގައި ބާއްވާ ހަރަކާތްތަކުގެ ތެރޭގައި ހިމެނޭ "މިނިވަން އުފާ ކާނިވާ" މިރޭ ހުޅުމާލޭގައި އޮންނާނެއެވެ.
މިއީ މުނިފޫހިފިލުވުމުގެ އެކި ހަރަކާތްތައް ހިިމެނޭ ފެސްޓިވަލެއް ގޮތަށް ކުރިއަށް ގެންދާ މި ކަނިވާ އިންތިޒާމްކުރަނީ ހޯމް މިނިސްޓްރީއާއި އެޗްޑީސީންނެެވެ.
