ޕްރައިމަރީއެއްގައި 3000 ވޯޓު ލިބިގެން ކުރިއަށް އޮތް ރިޔާސީ އިންތިހާބު ކާމިޔާބު ކުރައްވާނެ ކަމަށް ވިދާޅުވުމަކީ ހެއްވާ ކަމެއް ކަމަށް މަޖިލީހުގެ އައްޑޫ މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ ޝަރީފް) ވިދާޅުވެއްޖެއެވެ.
ޝަރީފް އެފަދައިން ވިދާޅުވީ، އިއްޔެ ޑިމޮކްރެޓްސްއިން ބޭއްވި އެޕާޓީގެ ރިޔާސީ ކެނޑިޑޭޓަކު ހޯވާ ޕްރައިމަރީގައި އިލްޔާސް ލަބީބްއަށް 3،041 ވޯޓު ލިބުމާއި ގުޅިގެން އެމަނިކުފާނު ރިޔާސީ އިންތިހާބު ކާމިޔާބު ކުރައްވާނެ ކަމަށް މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވުމާއި ގުޅިގެންނެވެ.
އެގޮތުން ކުރެއްވި ޓުވިޓެއްގައި ޝަރީފް ވިދާޅުވީ، އާންމުންނަށް ހުޅުވާލައިގެން ބޭއްވުނު ޕްރައިމަރީއަކުން 3000 ވޯޓު ލިބިގެން ކާމިޔާބު ކުރެވުނު ބޭފުޅަކު ރިޔާސީ އިންތިހާބު ކާމިޔާބު ކުރާނެ ކަމަށް ވިދާޅުވުމަކީ ހެއްވާ ކަމެއް ކަމަށެވެ.
Open koh hurihaa rayyithunnah hulhuvaalaigen beyvvunu primary akun 3000 vote libigen kaamiyaabu kurevunu beyfulhaku riyaasee inthikhaabu kaamiyaabu kuraane kamah bunumakee varah hevvaa kameh.
— Ibrahim Shareef (@AdduShareef) July 28, 2023
އަންނަ ސެޕްޓެމްބަރު މަހު ބާއްވާ ރިޔާސީ އިންތިހާބުގައި ދަ ޑިމޮކްރެޓްސްގެ ފަރާތުން ވާދަކުރައްވާ ކެންޑިޑޭޓަކު ކަނޑައެޅުމަށް ބޭއްވި އިންތިޚާބުން، އެ ޕާޓީގެ ރިޔާސީ ޓިކެޓް، ހުޅުދޫ ދާއިރާގެ މެމްބަރު އިލްޔާސް ލަބީބް ވަނީ ކަށަވަރު ކުރައްވާފައެވެ.
