އުފަން ނުވަނީސް ސިޔާސީ މައިދާނުގައި ތިއްބެވި ލީޑަރުން އަޅުގަނޑާ ވާދަ ކުރަން ނިކުންނަވާ ކަމަށް، ހުޅުދޫ ދާއިރާގެ މެންބަރު، އަދި ދަ ޑިމޮކްރެޓްސްގެ ރިޔާސީ ކެނޑިޑޭޓް އިލްޔާސް ލަބީބް ވިދާޅުވެއްޖެއެވެ.
އޭނާ މިހެން ވިދާޅުވެފައިވަނީ އައްޑޫއަށް ކުރައްވާ ދަތުރުފުޅުގެ ތެރެއިން، ނޫސްވެރިންނާ ބައްްދަލު ކުރައްވާ ދެއްކެވި ވާހަކަފުޅުގައެވެ.
"އަޅުގަނޑު މިއީ އޭގެ ލީޑަރެއް، އަޅުގަނޑު ދުނިޔެއަށް އުފަން ނުވަނީސް ރާއްޖޭގެ ސިޔާސީ މައިދާނުގައި ތިއްބެވި ލީޑަރުން އަޅުގަނޑާއި ވާދަ ކުރަން ނިކުމޭ، މިއަދުވެސް އަޅުގަނޑު ނިކުމެ މި ޖެހެނީ އެ މީހުންނާއި ވާދަ ކުރަން. މިއީ ދިވެހި ރައްޔިތުންނަށް އޮތް މުސްތަގުބަލެއް ކަމުގައި އަޅުގަނޑަށް ނުފެނޭ."
އިލްޔާސް ލަބީބު ވިދާޅުވިއެވެ.
އޭނާ އިތުރަށް ވިދާޅުވީ، އެ ޕާޓީގެ ކެމްޕެއިން ހަރަކާތްތައް ރާއްޖޭގެ އެކި ކަންކޮޅުތަކުގައި ފެތުރުމުގެ މަސައްކަތް ފެށިއިރު، މިއަދު އައްޑޫއަށް ދަތުރު ފަށާފައިވާ ކަމަށާއި އަދި އައްޑޫގައި ޕްރޮގްރާމްތައް އެކި ދިމާދިމާލުގައި ކުރިއަށްގެންދަން ރޭވިފައިވާ ކަމަށެވެ. އެގޮތުން މިރޭ ފޭދޫ އަދި މާދަމާ މަރަދޫ ފޭދޫ އަދި މަރަދޫ، މީދޫ އާއި ހުޅުދޫގެ އިތުރުން ހިތަދޫގައިވެސް ބައްދަލުވުންތައް ކުރިއަށްގެންދާނެ ކަމަށްވެސް އޭނާ ވިދާޅުވިއެވެ.
އަދި އިންތިހާބު ކާމިޔާބު ކުރާނެ ކަމުގެ ޔަގީންކަން ދެއްވަމުން، އޭނާ ވިދާޅުވީ، އެ ޕާޓީގެ މެނިފެސްޓޯގައި އައްޑޫއަށް ވަރަށް ގިނަ ކަންކަން ހުންނާނެ ކަމަށާއި އަދި އައްޑޫގެ އިގްތިޞާދު ނަގާ ކޮޅަށް ޖެހުމުގައި އައްޑޫގެ ރައްޔިތުންގެ އުއްމީދު އެނގޭ އެކަކީ އޭނާ ކަމަށްވެސް ވިދާޅުވިއެވެ.
"އަޅުގަނޑު މި ހުރީ ރައްޔިތުން ބޭނުންވާ ކަންތައްތައް، އެ އައްޑޫގެ ބަނދަރާއި، އައްޑޫގެ ވައިގެ ބަނދަރާއި އައްޑޫގެ ޓޫރިޒަމް އާއި އައްޑޫގެ އެހެނިހެން އިގްތިޞާދީ ހަރަކާތްތައް ހިންގާ ޚާއްޞަކޮށް އޭގެ އިތުރަށް ކުދި އަދި މެދުފަންތީގެ ވިޔަފާރިތައް ނަގާ ކޮޅަށް ޖަހަން."
އަދި އެކަން ކުރެވޭނެ ގާބިލްކަން އެބަހުރި ކަމަށް ވިދާޅުވެ، އެކަންކަމަށް ބޭނުންވާ ފައިސާ ހޯދަންވެސް އެނގޭ ކަމަށް އިލްޔާސް ފާހަގަކުރައްވަމުން، ވިޔަފާރީގެ ދާއިރާގައި އުޅެނީ ގިނައިން ޒުވާނުން ކަމަށާއި، ޒަމާނީ ވިޔަފާރީގެ ވައްޓަފާޅި އެނގޭނީ ޒަމާނީ އަދި ޒުވާނުންނާއި އެކީ މަސައްކަތް ކުރާ ލީޑަރުންނަށް ކަމަށް ވިދާޅުވިއެވެ.
އައްޑޫއަށް ކުރައްވަމުން ގެންދަވާ ދަތުރުފުޅުގެ ދަ ޑިމޮކްރެޓްސްގެ ބާނީ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ބައިވެރިވެވަޑައިގަންނަވައެވެ. އެ ޕާޓީގެ ސިޔާސަތުތައް ފުޅާދާއިރާއެއްގައި ހާމަކުރައްވަމުންދާއިރު، ރައްޔިތުންގެ ޚިޔާލުވެސް ދަނީ ހޯއްދަވަމުންނެވެ. ދާދި ފަހުން ވަނީ މުޅި ރާއްޖެއަށް އެ ޕާޓީގެ ވިޔަފާރި ސިޔާސަތު ހާމަކުރެއްވުމަށް ޕްރޮގްރާމެއް ހިންގަވާފައެވެ.
ކިޔުންތެރިންގެ ޚިޔާލުތައް:
އަމިއްލަ ރަށައް ކަމެއް ކޮއްދީފައިނުވާތާގައި އަމިއްލަ ގައުމުގެ ނިކަމެއްޗަކު އެނިކަމެތިހާލުން ސަލާމައް ކުރަން ކުރިކަމެއްވެސް ހުރިމީހެއްނޫން ތި އިލްޔާސް ލަބީބަކީ ތިމީހުންގެ އުޅުމާ ގުޅުން އެއްމެ ރަނގަޅައް އެނގޭނީ އައްޑޫ ހުޅުދޫ އަދި މީދޫ މީހުންނައް މައުމޫނުގެ ވެރިކަމުގައި އައްޑޫ ގަމުގައި ހިންގި އެސްޓީއޯގެ ފިހާރައިގެ ކަންތަކުގެ ވާހަކަވެސް ކިޔާއުޅޭ އެއިރު އެތާހުރީ އިލްޔާސުގެ ބައްޕަ ކުދުމުހަދާގެ ލަބީބު އެތާނގެ މުދަލައް އެތައް ޙިޔާނާތެއް ވެފައިވަނީ އަމިއްލަރަށުންވެސް ކަލޯބަލައިނުގަނޭ ދެން ކޮންވެރިކަމެއް ކުރެވޭނީ ވައްކަންކުރެވިދާނެ ވެރިކަމެއް ނުކުރެވޭނެ މަހައްވެސް ދެވޭނެ މީހެއްނޫން ތީ