އެމްޑީޕީ ތެރެއިން ލާދީނީ ތައްގަނޑު ޖެހިފައިވާ މީހުން ގޮސްފައިވާ ކަމަށާއި، އެކަމާ ރައްޔިތުން އުފާ ކުރަން ޖެހޭ ކަމަށް އެމްޑީއޭގެ ލީޑަރު އަޙްމަދު ސިޔާމް މުޙައްމަދު މިއަދު ވިދާޅުވެއްޖެއެވެ.
"ދީނަށް ހަޖޫޖަހާ މީހުންނެއް އެއްވެސް މީހަކު ދެކެ ބިރެެއްވެސް ނުގަންނާނެ، އެ މީހަަކަށް އޯގާތެރިއެއްވެސް ނުވެވޭނެ".
ސިޔާމް ވިދާޅުވިއެވެ.
މިދިޔަ ފަސް އަހަރު ތަޖުރިބާ ކޮށްފައިވާ ކަމަށާއި، އެހެންކަމުން ގޮތް ނޭނގޭ އެއްޗެއް ތަޖުރިބާ ބޭނުން ނުވާނެ ކަމަށް ސިޔާމް ވިދާޅުވިއެވެ.
"އަމާނާތްތެރިކަމާއެކު އެ ހަރަދު ނުކުރެވިއްޖެނަމަ އަޅުގަނޑުމެންނަށް ފެންނަނީ އެއްބައި ކޮށްފައި އަނެއް ބައި ނުކުރާ މަންޒަރު، އޭގެ ސަބަބުން ލިބޭ ގެއްލުމާއި، ވޭނާއި، ދުއްތުރާ ވަރަށް ބޮޑު.". ސިޔާމް ވިދާޅުވިއެވެ.
އާ ސަރުކާރެއް އަތުވެއްޖެނަމަ ތަރައްގީގައި އެއް އަހަރު، ދެ އަހަރު ގެއްލިގެން ދާނެ ކަމަށްވެސް ސިޔާމް ވިދާޅުވިއެެވެ.
ސިޔާމް ވިދާޅުވީ، ބޭނުންވަނީ ރައްޔިތުންނަށް ފަައިދާވާ އަދި ޖީބަށް ބަރުވެ، އުފަލެއް ލިބޭނެ ގޮތަށް ކަންތައް ކުރާނެ ބައެއް ކަމަށެވެ.
އެހެންކަމުން މި ފުރިހަމަ ތަރައްގީ ބޭނުންވާނަމަ ޗޮއިސްއަކީ ރައީސް ޞާލިހް ކަމަށް ސިޔާމް ވިދާޅުވިއެވެ. އަދި ކުރީގެ ވެރިންނާއި، ރަައީސް ޞާލިހާއި ވަރަށް ތަފާތު ކަމަށާއި، އެމަނިކުފާނަކީ ހިކުމަތްތެރި އަދި ވިސްނުން ތޫނު، އޯގާތެރި، ހިތްތިރި ކެތްތެރި ބޭފުޅެއް ކަަމަށް ވެސް ވިދާޅުވިއެވެ.
