މި މަހުގައި ފެށުމަށް ހަމަޖެހިފައިވާ ކޯސްތަކުގެ ތެރެއިން ޖާގަ ހުރި ކޯސްތަކަށް ވަނުމަށް އެދި ފޯމު ހުށަހެޅުމުގެ މުއްދަތު ދިވެހިރާއްޖޭގެ ޤައުމީ ޔުނިވަރސިޓީން އިތުރުކޮށްފިއެވެ.
ޖާގަ ހުރި ކޯސްތަކުގެ މައުލޫމާތު ޔުނިވަރސިޓީގެ ވެބްސައިޓް /courses.mnu.edu.mv އިން ލިބެން އެބަހުއްޓެވެ.
ޖާގައަށް ހުޅުވާލީ 11 ފެކަލްޓީއަކުން ހިންގާ ކޯސްތަކަށެވެ.
ޑިޕްލޮމާ އިން މަތީގެ ކޯސްތަކަށް ވަނުމަށް އެދި ފޯމު ހުށަހެޅުމުގެ މުއްދަތު ހަމަވާނީ 17 އޮގަސްޓް 2023ވާ ބުރާސްފަތި ދުވަހުގެ 14:00 އެވެ. ސެޓްފިކެޓް ލެވެލް 3، އެޑްވާންސްޑް ސެޓްފިކެޓް އަދި ފައުންޑޭޝަން ކޯސްތަކަށް ވަނުމަށް އެދި ފޯމު ހުށަހެޅުމުގެ އެންމެ ފަހު ތާރީޚަކީ 24 އޮގަސްޓް 2023ވާ ބުރާސްފަތި ދުވަހުގެ 14:00 އެވެ.
މި ކޯސްތަކަށް އެޕްލައިކުރުން ހަމަޖެހިފައިވަނީ އޮންލައިންކޮށް portal.mnu.edu.mv ގައިވާ ޕޯރޓަލް މެދުވެރިކޮށެވެ. އިތުރު މަޢުލޫމާތު [email protected] އަށް މެއިލް ކުރެއްވުމުން އަދި 3345155 ފޯނުން ވެސް ލިބޭނެ ކަމަށް ޤައުމީ ޔުނިވަރސިޓީން ބުނެއެވެ.
