ކުރިއަށް އޮތް ރިޔާސީ އިންތިހާބަށް ކުރިމަތިލުމަށް މޯލްޑިވްސް ރިފޯމް މޫވްމަންޓް (އެމްއާރްއެމް)ގެ ޓިކެޓުގައި ވާދަ ކުރައްވާ އެ ޕާޓީގެ ރައީސް ފާރިސް މައުމޫންގެ އިންތިހާބީ އޭޖެންޓަކަށް އެ ޕާޓީގެ އެކްސްކޯ މެމްބަރު، ހަޔަރ އެޑިޔުކޭޝަން މިނިސްޓްރީގެ ކުރީގެ ޑެޕިޔުޓީ މިނިސްޓަރ އިސްމާއީލް ޒަބީހު ހަމަޖައްސައިފިއެވެ.
މިކަން ހާމަކުރައްވާފައިވަނީ އެމްއާރްއެމްގެ ރައީސް ފާރިސް މައުމޫން މިއަދު ކުރެއްވި ޓްވިޓެއްގައެވެ.
Delighted to share that I've officially appointed Ismail Zabeeh as my Election Agent. Together, we are ready to make a positive impact and bring about the change we all deserve. @cenetzabeeh pic.twitter.com/vMbLCm3sZf
— faris 🇲🇻 🇵🇸 (@afarismaumoon) August 3, 2023
އެމްއާރްއެމްގައި އިސްކޮށް ޙަރަކާތްތެރިވާ ޒަބީހްއަކީ އެމްއާރްއެމްގެ ސްލޮޓެއްގައި މިނިސްޓްރީ އޮފް ހަޔަރ އެޑިއުކޭޝަން މިނިސްޓަރުގެ ނައިބުގެ މަގާމުގައި ހުންނަވަނިކޮށް، މިިދިޔަ މަހު އެ މަގާމުން ވަކިކޮށްފައިވާ ބޭފުޅެކެވެ.
އެމްއާރްއެމްގެ ނަމުގައި ރިޔާސީ އިންތިހާބަށް ނުނިކުމެވޭ ހާލަތެއް އަތުވެއްޖެ ނަމަ، އަމިއްލަ ގޮތުން ވާދަ ކުރައްވަން ފާރިސް ތާއީދު ސޮއި ހޯދުމުގެ މަސައްކަތް ކުރަމުން އަންނައިރު ހުށަހަޅަން ބޭނުންވާ އަދަދު ކަމުގައިވާ 1500 ސޮއި މިހާރު ވަނީ ހަމަވެފައެވެ.
