މަސްތުވަތަކެތީގެ މައްސަލައެއްގައި މާލެއަށް ނިސްބަތްވާ 67 އަހަރުގެ މަންމަ އާއި އޭނާގެ 44 އަހަރުގެ ފިރިހެން ދަރިފުޅު ހައްޔަރުކޮށްފިއެވެ.
މި މީހުން ހައްޔަރުކޮށް، 44 އަހަރުގެ މީހާގެ ބަންދަށް ކްރިމިނަލް ކޯޓުން ފަސް ދުވަސް ޖަހައިފައިވާއިރު، 67 އަހަރުގެ އަންހެން މީހާގެ ބަންދަށް ކޯޓުން 10 ދުވަސް ޖަހާފައިވާ ކަމަށް މަޢުލޫމާތު ލިބެއެވެ.
އެގެއިން މަސްތުވާތަކެތި ވިއްކާ ވިޔަފާރި ކުރަން ބޭނުންވާ ގިނަ އަދަދަކަށް ތަކެތި ފެނިފައިވާ ކަމަށްވެސް މަޢުލޫމާތު ލިބެއެވެ.
އެ އަންހެން މީހާއަކީ މަސްތުވާތަކެތީގެ ރެކޯޑް އަޮންނަ މީހެއްކަން އެނގިފައިވެއެވެ.
އަދި މަސްތުވާތަކެތި ފެނުނު ކޮޓަރި ހުޅުވީ އޭނާގެ އަތުގައި އޮތް ތަޅުދަނޑިއަކުން ކަމަށް އެ ސީނަށް ދިޔަ ފުލުހެއްގެ ބަޔާނުގައި ބަޔާންކޮށްފައިވާއިރު، އެ ކޮޓަރިއަކީ ދޮވެފައި ހުންނަ އެއްޗެހި ހިއްކަން ބޭނުން ކުރާ ކޮޓަރިއެއް ކަމަށް އޭނާ ބުނި ކަމަށް އެ ފުލުސް މީހާގެ ބަޔާނުގައި ހިމަނާފައިވެއެވެ.
