ކުރީގެ ރައީސް، އަދި އިދިކޮޅުގެ ލީޑަރު ރައީސް ޢަބްދުﷲ ޔާމީން ޢަބްދުލްޤައްޔޫމްގެ ނަން ނެތި ބާއްވާ ރިޔާސީ އިންތިހާބެއް އެއީ ޑިމޮކްރެޓިކް ހަމަތަކުން ބޭއްވޭ އިންތިހާބަކަށް ނުވާނެކަމަށް ޕީއެންސީގެ ނައިބު ރައީސް، އަދި މާވަށު ދާއިރާގެ މެމްބަރު އަހުމަދު ސައީދު ވިދާޅުވެއްޖެއެވެ.
"ރޔާމީނަށްލިބެންވާ އެއްމެއަސާސީ ހައްޤުތަކުން އެމަނިކުފާނު އެކަހެރިކޮށް ބާއްވާއިންތިހާބެއް އެއީ، ބައިވެރިވުންއޮތް އިންސާފުވެރި އަދި ޑިމޮކްރެޓިކުހަމަތަކުން ބޭއްވޭ އިންތިހާބަކަށް ނުވާނެ."
ސައީދު ވިދާޅުވިއެވެ.
ކޯޓުގެ ކުރިމަތީ މީޑިއާތަކަށް ދިން ސްޓޭޓްމަންޓުގެ ފޮޓޯއެއް ޓުވީޓު ކުރައްވައި، ސައީދު ވިދާޅުވީ ރައީސް ޔާމީނަށް ލިބިގެންވާ އެންމެ އަސާސީ ހައްގުތަކުން އެމަނިކުފާނު އެކަހެރިކޮށްފައިވާކަމަށެވެ. އަދި އެފަދަ ހާލަތެއްގައި ބާއްވާ ރިޔާސީ އިންތިހާބެއްގައި އެމަނިކުފާނަށް ބައިވެރިވުމުގެ ފުރުސަތު ގެއްލުވާލުމުން އެއީ އިންސާފުވެރިކަމާއި ޑިމޮކްރެޓިކް ހަމަތަކުން ބާއްވާ އިންތިހާބަކަށް ނުވާނެކަމަށް ސައީދު ވިދާޅުވިއެވެ.
ސައީދު ވިދާޅުވީ ރައީސް ޔާމީންގެ އިސްތިއުނާފު އަޑުއެހުންތައް ލަސްކުރީ ހައިކޯޓުގެ ފަނޑިޔާރުން ނަމަވެސް އެންމެ މަތީ ކޯޓުން ކެންޑިޑެސީ އާއި މެދު ގޮތެއް ނިންމިއިރު އެކަން ނުފެނުނު ކަމަށެވެ.
އިންތިހާބުގައި ވާދަކުރަން ހުށަހެޅުމުގެ މުއްދަތު ހަމަވީއިރު ޕީއެންސީގެ ޓިކެޓު ލިބިވަޑައިގެންނެވި މާލޭގެ މޭޔަރު އަދި ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު ވަނީ ކެންޑިޑެސީ ފޯމު ހުށަހަޅުއްވާފައެވެ.
